16.09.2026 | 23:05
Բաքուն ՀՀ-ի հետ կապերի մեջ մեղադրվող բանտարկված թալիշ ակտիվիստին 3 տարով կտեղափոխի խիստ ռեժիմի բանտ
Գերմանիան Ուկրաինային ծանր սպառազինություն կմատակարարի
Քաղաքականություն
13.04.2022 | 16:22
Գերմանիան Ուկրաինային ծանր սպառազինություն կմատակարարի։ Այս մասին Twitter-ում հայտնել է Բունդեսթագի Ազատ դեմոկրատական կուսակցության պատգամավոր Մարկուս Ֆաբերը։
«Հարգելի՛ բարեկամներ, Գերմանիան արագ ծանր տեխնիկա կմատակարարի Ուկրաինային: Ես ուրախ եմ, որ մենք և մեր կոալիցիոն գործընկերները կարողացանք համաձայնության գալ այս հարցում»,- գրել է նա։
Ավելի վաղ Գերմանիայի արտաքին գործերի նախարար Անալենա Բերբոկը հայտարարել էր, որ Ուկրաինային ավելի շատ ռազմական տեխնիկա, հատկապես՝ ծանր սպառազինություն է անհրաժեշտ, և հիմա արդարացումների ժամանակ չկա։
Հաղորդվում է նաև, որ գերմանական Krauss-Maffei Wegmann ընկերությունն Ուկրաինային առաջարկում է 1,7 միլիարդ եվրոյով գնել 100 հատ Panzerhaubitze 2000 ինքնագնաց հաուբից։ Բացի այդ, լրատվամիջոցների տվյալներով, գերմանական Rheinmetall պաշտպանական կոնցեռնը պատրաստվում է Ուկրաինային մատակարարել մինչև 50 Leopard 1 տանկ և մինչև 60 Marder հետևակի մարտական մեքենա։
Տաթև Ֆռանգյան
