10.10.2026 | 19:47
Քննարկվել են Հայաստանում կախվածությունների կանխարգելման և բուժման ուղղությամբ իրականացվող աշխատանքները
Եվրամիությունը հայաստանցի արտահանողներին հերթական արտոնությունը կտրամադրի
Տնտեսություն
22.06.2017 | 19:35
ՀՀ տնտեսական զարգացման և ներդրումների նախարարությունում գործարար համայնքի ներկայացուցիչներն այսօր հնարավորություն ստացան մասնակցելու Եվրամիության «Արտոնությունների ընդհանրացված և համալրված համակարգին» նվիրված (GSP+) տեղեկատվական միջոցառում-քննարկմանը:
Միջոցառման ընթացքում GSP+ հարցերով Եվրոպական հանձնաժողովի պատվիրակության ներկայացուցիչներն անձամբ հայ գործարարներին ներկայացրին՝ համակարգի առավելությունները:
Հիշեցնենք՝ Հայաստանն այն 8 երկրների թվում է, որն արդեն 4 տարի է՝ օգտվում է GSP+ ռեժիմից՝ հնարավորություն ստանալով ավելի քան 6400 տեսակ ապրանք արտահանել Եվրամիություն՝ զրոյական մաքսատուրքով:
Տնտեսական զարգացման և ներդրումների նախարարի առաջին տեղակալ Գարեգին Մելքոնյանը տեղեկացրեց, որ համակարգի շնորհիվ տարեցտարի ավելանում են արտահանման ծավալները: Ի դեպ, GSP+ ռեժիմից օգտվելու համար շահառու երկրները պարտավոր են վավերացնել 27 միջազգային կոնվենցիաներ, որոնք վերաբերում են մարդու և աշխատանքային իրավունքներին, շրջակա միջավայրի պահպանությանը և պատշաճ կառավարմանը: Եվրոպական հանձնաժողովի GSP+ հարցերով համապատասխան ներկայացուցիչները հայ գործարարներին կոչ արեցին լիարժեք կիրառել համակարգի ընձեռած հնարավորությունները:
Մանրամասները՝ տեսանյութում:
Շողիկ Գալստյան
