28.03.2026 | 12:55
Հատուկ առաջարկներ, ժամանակի և գումարի խնայողություն․ TOON EXPO INVEST 2026-ը Երևանում բացեց դռները․ ՏԵՍԱՆՅՈՒԹ
Ուկրաինան 2022թ․ առաջին եռամսյակում Թուրքիայից 30 անգամ ավելի շատ զենք է գնել, քան մեկ տարի առաջ․ Rueters
Քաղաքականություն
06.04.2022 | 21:29
Ուկրաինան 2022 թվականի առաջին եռամսյակում Թուրքիայից գրեթե 30 անգամ ավելի շատ պաշտպանական զենք է ստացել, քան մեկ տարի առաջ։ Այս մասին գրում է Reuters գործակալությունը՝ վկայակոչելով Թուրքիայի արտահանողների համագումարի տվյալները։
Այսպիսով, այս ընթացքում Թուրքիան Ուկրաինա է արտահանել 59,1 մլն դոլարի պաշտպանական արտադրանք՝ 2021 թվականի առաջին եռամսյակի 1,9 մլն դոլարի դիմաց։ Միևնույն ժամանակ, արդյունաբերության համագումարը չի բացահայտել վաճառված սպառազինության տեսակները:
Նշվում է, որ վերջին տարիներին Ուկրաինան թուրքական Baykar Makina ընկերությունից գնել է ավելի քան 20 Bayraktar TB2 հարվածային անօդաչու թռչող սարք և հունվարի վերջին պատվիրել ևս 16-ը։ Այս խմբաքանակն առաքվել է մարտի սկզբին։
Արդյունաբերության ասոցիացիայի տվյալներով՝ Անկարայի ընդհանուր պաշտպանական արտահանումն առաջին եռամսյակում, նախորդ տարվա համեմատ, աճել է 48,6%-ով։
Թուրքիան 2021 թվականին արտահանել է 3,224 միլիարդ դոլարի պաշտպանական արտադրանք՝ 41,5 տոկոսով ավելի, քան 2020 թվականին։
Տաթև Ֆռանգյան
