19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
«Անկանխատեսելի իրավիճակի պատասխանատվությունն ընկնելու է գործող կառավարության ուսերին». «Մարտի 1»-ով անցած Վ. Օսկանյանի զգուշացումը
Քաղաքականություն
25.04.2018 | 14:12
Հայաստանում ստեղծված իրավիճակի առթիվ այսօր հայտարարություն է տարածել ԱԳ նախկին նախարար, «Համախմբում» կուսակցության նախագահ Վարդան Օսկանյանը:
«Ապրիլի 23-ի իրադարձություններին ժողովրդի բուռն արձագանքն ու ցնծությունն ամեն ինչ ասել է։ Ժողովրդի՝ փոփոխության ցանկությունը միայն մեկ մարդու չի վերաբերում, այլ ամբողջ համակարգին, քաղաքական մենաշնորհին և արդար ընտրություններով նոր համակարգի ստեղծմանը»,-հայտարարել է Օսկանյանը՝ շարունակելով, որ բոլորը պետք է հստակ գիտակցեն, որ իշխանությունն անցել է ժողովրդի ձեռքը:
«Պետք է կատարեն ժողովրդի ցանկությունը։ Դրա դեմ գնալու արդյունքում ստեղծված որևէ անկանխատեսելի իրավիճակի ամբողջ պատասխանատվությունն ընկնելու է գործող կառավարության ուսերին»,- նշել է Օսկանյանը։ Ըստ նրա՝ հասկանալի է, որ ժողովրդի ցանկությունը պետք է իրականացվի բանակցություններով՝ Սահմանադրության և օրենքների շրջանակում, բայց իշխանությունը պետք է հստակ արձանագրի և երաշխավորի, որ գործընթացի վերջնարդյունքը պետք է համապատասխանի ժողովրդի պահանջներին։
«Իզուր տեղը պետք չէ ժողովրդին գրգռել և ցնցումներ առաջացնել»,- հայտարարել է նա:
