16.09.2026 | 20:06
Աշխատակիցներին սպառնում են աշխատանքից ազատել քաղաքական հայացքների պատճառով. «Անկախ դիտորդ»-ը ահազանգում է
Պետդեպի խոսնակն ակնարկել է ՌԴ դեմ նոր պատժամիջոցների մասին․ CNN
Քաղաքականություն
03.04.2022 | 22:07
Պետդեպարտամենտի խոսնակ Նեդ Փրայսն ակնարկել է ԱՄՆ-ի կողմից Ռուսաստանի դեմ «շատ շուտով» լրացուցիչ գործողությունների մասին՝ պատասխանելով Բուչայում տեղի ունեցած վերջին վայրագություններին ի պատասխան Ուկրաինայի նախագահ Վլադիմիր Զելենսկու՝ G7-ին ավելի մեծ պատժամիջոցների վերաբերյալ խնդրանքին, գրում է CNN-ը։
«Երբ խոսքը վերաբերում է մեր պատժամիջոցներին, մենք միշտ ասել ենք, որ կշարունակենք ճնշում գործադրել նախագահ Պուտինի, Կրեմլի, նրա շրջապատի բոլոր մարդկանց վրա, այդ թվում՝ օլիգարխների և մերձավորների վրա, քանի դեռ նրանք ուժեղացնում են պատերազմն Ուկրաինայի դեմ։ Դա կանենք այնքան ժամանակ, մինչև Կրեմլը չթուլացնի լարվածությունը և այս տեսակի վայրագությունները չվերջանան: Այսպիսով, ես կասկածում եմ, որ դուք շատ շուտով կտեսնեք լրացուցիչ ճնշումներ», – ասել է Փրայսը MSNBC կիրակի օրը:
Նա հավելել է, որ ԱՄՆ-ն ամեն ինչ կանի, որ բոլոր նրանք, ովքեր կատարել են այդ վայրագությունները, և բոլոր նրանք, ովքեր պատվիրել են այդ վայրագությունները, պատասխանատվության կենթարկվեն:
«Դա մեր առաքելությունն է»,- ասել է Փրայսը:
Հիշեցնենք, որ Ուկրաինայի զինված ուժերը ռուսական զորքերից ազատագրել են Կիևի մարզի Բուչա քաղաքը: Այս մասին հայտնել էր քաղաքապետ Անատոլի Ֆյոդորուկը։
Ազատագրումից հետո Reuters-ի տեսախցիկը սարսափելի կադրեր է արձանագրել՝ փողոցներում տասնյակ դիակներ, փլատակներ, ավերածություն։ Այդ լուսանկարները չենք հրապարակել՝ դաժան տեսարանների պատճառով։
