08.02.2026 | 19:26
Նոյեմբերյանում նոր դպրոց ենք կառուցում, առաջիկայում կմեկնարկենք նաև քոլեջի նոր շենքի կառուցումը. Ժաննա Անդրեասյան
Էրդողանը հայտարարել է, որ Թուրքիան պատրաստ է կազմակերպել Պուտինի ու Զելենսկու հանդիպումը
Քաղաքականություն
31.03.2022 | 19:08
Անկարան հույս ունի համաձայնեցնել Ռուսաստանի ու Ուկրաինայի նախագահների շուտափույթ հանդիպման ժամկետը։ Այս մասին հայտարարել է Թուրքիայի նախագահ Ռեջեփ Թայիփ Էրդողանը լրագրողների հետ զրույցում, գրում է «Անադոլու» գործակալությունը։
«Ես վճռական եմ տրամադրված նախագահներ Վլադիմիր Պուտինի և Վլադիմիր Զելենսկու հետ նոր զրույցի հարցում։ Մեր նպատակն է հնարավորինս շուտ կազմակերպել հանդիպում Ռուսաստանի Դաշնության և Ուկրաինայի ղեկավարների միջև։ Այս մասին ես հստակ կասեմ երկու առաջնորդներին»,-ասել է Էրդողանը։
Նա հույս է հայտնել, որ կհաջողվի համաձայնեցնել Պուտինի և Զելենսկու հանդիպման ժամկետը։
«Մենք պատրաստ ենք ապահովել անհրաժեշտ հարթակը։ Ելնելով այն վստահությունից, որ Պուտինն ու Զելենսկին ունեն Թուրքիայի նկատմամբ՝ մենք հույս ունենք դրական արդյունքի վրա»,- ընդգծել է Էրդողանը։
Անդրադառնալով Ուկրաինայի անվտանգության երաշխիքներին՝ Էրդողանն ասել է, որ Թուրքիան պատրաստ է դառնալ երաշխավոր երկրներից մեկը։ Անկարան դրական է ընկալում նման նախաձեռնությունը, սակայն ըստ նրա՝ անհրաժեշտ է մանրամասն վերլուծություն։
Էմմա Չոբանյան
