Ադրբեջանական զինուժը դեպի Քարագլուխ ճանապարհներ է կառուցել. Հայկ Մամիջանյան․ ՏԵՍԱՆՅՈւԹ

«Ցավալի փաստագրում է այն, որ այս իշխանություն կոչվածների և մեր ռազմավարական դաշնակցի հարաբերություններն այն մակարդակում են գտնվում, որ նմանօրինակ հարցերում քննություն ստեղծելու փաստը արձանագրվում է պաշտոնական հայտարարությունում (նկատի ունեմ ՀՀ ԱԳՆ հայտարարությունը), մինչդեռ նմանօրինակ հարցերը ռազմավարական դաշնակիցները քննարկում են ոչ պաշտոնական խողովակներով տրվող հայտարարություններով: Սա վտանգավոր արձանագրում է»,- այս մասին Factor.am-ի հետ զրույցում նշեց «Պատիվ ունեմ» խմբակցության քարտուղար Հայկ Մամիջանյանը:

Պատգամավորի դիտարկմամբ՝ Փառուխը չէր կարող լինել հակառակորդի նպատակը. նպատակը Քարագլխի ռազմավարական հենակետն էր և նրա շրջակայքը վերահսկողոթյան տակ առնելը: «Ադրբեջանական զինուժը այդ տարածքը վերահսկողության տակ առնելուց հետո իրականացրել է որոշակի ինժեներական աշխատանքներ՝ կառուցելով այլընտրանքային ճանապարհ դեպի Քարագլուխ»,- նշեց Մամիջանյանը:

Պատգամավորի խոսքով՝ 4 տարի առաջ ՀՀ վարչապետը ԵԱՀԿ Մինսկի խմբի համանախագահ երկրներին նախապայման էր ներկայացնում՝ ասելով, որ մինչև Արցախի ներկայացուցիչը բանակցային սեղանի շուրջ չնստի, ՀՀ-ն չի նստելու. «Հիմա փաստացի ունենք այնպիսի իրավիճակ, որ Հայաստանը չի մասնակցում բանակցային գործընթացին: Երեկ ռուս-ուկրաինական բանակցությունների ստամբուլյան փուլի համատեքստում ՌԴ մի շարք պաշտոնյաներ նշեցին, որ այդ բանակցություններում հնարավոր է նաև քննարկվի ղարաբաղյան հակամարտության վերջին ժամանակահատվածի սրացման հարցը»:

Մանրամասները՝ տեսանյութում: