22.04.2026 | 23:30
ՀՀ տարածքում ավտոճանապարհները հիմնականում անցանելի են
Մեզ են ընտրատեղամասերում ծեծել, վիրավորել, ոչ թե ձեզ․ թեժ քննարկում՝ ԱԺ-ում. ՏԵՍԱՆՅՈՒԹ
Քաղաքականություն
30.03.2022 | 13:53
ԱԺ Պետական-իրավական հարցերի մշտական հանձնաժողովում ԿԸՀ նախագահ Տիգրան Մուկուչյանը ներկայացրեց նախորդ երկու տարիներին ԿԸՀ-ի իրականացրած գործունեության հաշվետվությունը, որից հետո պատգամավորները նրան հարցեր ուղղեցին:
Նշենք, որ «Հայաստան» խմբակցության պատգամավոր Արամ Վարդևանյանը, անդրադառնալով ընտրական պրոցեսներին, նշեց, որ իր դիտարկմամբ՝ ընտրական պրոցեսները ժամանակի ընթացքում կատարելագործվել են, ռեֆորմներ են տեղի ունեցել Սահմանադրությունից մինչև դատական համակարգ և ԿԸՀ, այդուհանդերձ, կան խնդիրներ: Վարդևանյանն ընդգծեց, որ ընտրկական ցուցակներն ուռճացված են, այդ խնդիրը նախկինում էլ է եղել և պահպանվել է նաև 2018-ին ու 2021-ին:
«Քաղաքացիական պայմանագիր» խմբակցության պատգամավոր Արփի Դավոյանն ի պատասխան նշեց. «Տարիներ շարունակ մենք ենք բարձրաձայնել խնդիրների մասին, մեզ են ընտրատեղամասերում վիրավորել, ծեծի ենթարկել, դուք ձեր գործերին եք եղել և ուշադրություն չեք դարձրել, թե վստահված անձինք ինչ են խոսել:
Մենք, օրինակ, 2017թ. բարձրաձայնեցինք և ապացուցեցինք Երևանի քաղաքապետի ընտրությունների ժամանակ «Զիբիլիքսի» հայտնի գործը»:
Դիմելով Արամ վարդևանյանին, Դավոյանն ընդգծեց. «Եթե 2016թ. դուք լինեիք դիտորդ կամ վստահված անձ, օրինակ, Հրազդանի ընտրությունների ժամանակ, կհասկանայիք, թե ինչ էր տեղի ունենում ՀՀԿ-ի ժամանակ և հիմա կհամեմատեիք»:
Մանրամասները՝ տեսանյութում:
