19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
Ժամը 14:00-ի դրությամբ՝ Վեդիում ՏԻՄ արտահերթ ընտրություններին մասնակցել է ընտրողների մոտ 34%-ը
Քաղաքականություն
27.03.2022 | 15:42
Ժամը 14:00-ի դրությամբ՝ Արարատի մարզի Վեդի խոշորացված համայնքում ՏԻՄ արտահերթ ընտրություններին մասնակցել է քվեարկության իրավունք ունեցող 37198 անձից 12373-ը կամ 33.43%-ը։
Այս մասին Factor.am-ը տեղեկանում է Կենտրոնական ընտրական հանձնաժողովի կայքից։
Մասնակցության ամենաբարձր ցուցանիշը մինչ այդ ժամը գրանցվել է Շաղափ գյուղում՝ 45.53 տոկոս, իսկ ամենացածր մասնակցությունը 14:00-ի դրությամբ եղել է Լուսառատ գյուղում. 1751 ընտրողից ընտրություններին մասնակցել է 465 քաղաքացի։
Հիշեցնենք՝ առավոտից Արարատի մարզի Վեդի խոշորացված համայնքում մեկնարկել են ավագանու արտահերթ ընտրությունները: Այս անգամ ընտրություններին մասնակցության հայտ է ներկայացրել քաղաքական 2 ուժ՝ «Քաղաքացիական պայմանագիր» և «Իմ հզոր համայնք» կուսակցությունները: Իշխող ուժը գլխավորում է Արարատի նախկին մարզպետ Գարիկ Սարգսյանը, իսկ «Իմ Հզոր համայնք» կուսակցության առաջին համարը Սպարտակ Թարթիկյանն է: Ընտրապայքարից հրաժարվել է դեկտեմբերի 5-ին 16,39% քվե ստացած «Հանրապետություն» կուսակցությունը:
Ռոզա Վարդանյան
