08.06.2026 | 22:44
Իրանի ԱԳ նախարարը հայերեն գրառմամբ է շնորհավորել Փաշինյանին
ՆԱՏՕ-ի առաջիկա գագաթնաժողովի օրակարգում Ուկրաինայի անդամակցության հարց չկա
Քաղաքականություն
23.03.2022 | 20:34
ՆԱՏՕ-ի ղեկավարները հինգշաբթի օրը կայանալիք գագաթնաժողովում չեն պատրաստվում քննարկել Ուկրաինայի անդամակցության հարցը։ Այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը, գրում է swissinfo.ch-ը։
«ՆԱՏՕ-ին անդամակցությունը չի հանդիսանում օրակարգի մաս։ Մենք կքննարկենք Ուկրաինային լրացուցիչ օգնությունը»,-ասել է Ստոլտենբերգը։
Նա նաև հայտնել է, որ դաշինքը Ուկրաինա զորքեր չի ուղարկի՝ մեկնաբանելով ՆԱՏՕ-ի խաղաղապահ ուժեր ուղարկելու Լեհաստանի առաջարկը։
«ՆԱՏՕ-ն հակամարտության կողմ չէ, սակայն աջակցություն է ցուցաբերում Ուկրաինային: ՆԱՏՕ-ն զորքեր չի ուղարկի Ուկրաինա: Մենք պետք է հասկանանք, որ կարևոր է աջակցել Ուկրաինային, բայց կարևոր է նաև կանխել պատերազմը Ռուսաստանի Դաշնության և ՆԱՏՕ-ի միջև: Ուստի մենք հստակ ասել ենք, որ զորք չենք ուղարկի Ուկրաինա»-ասել է ՆԱՏՕ-ի գլխավոր քարտուղարը։
Էմմա Չոբանյան
