16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Լեհաստանը հայտարարել է 45 ռուս դիվանագետների արտաքսման մասին
Քաղաքականություն
23.03.2022 | 19:46
Լեհաստանը հայտարարել է 45 ռուս դիվանագետների արտաքսման մասին՝ նրանց մեղադրելով լրտեսության մեջ։ Այս մասին հայտարարել է երկրի ներքին գործերի նախարար Մարիուշ Կամինսկին՝ նշելով, որ Վարշավայի կառավարությունը վճռականորեն է գործում «ռուսական հատուկ ծառայությունների ցանցը» վերացնելու ուղղությամբ, գրում է DW-ի ռուսական ծառայությունը։
Ավելի վաղ Լեհաստանի Ներքին անվտանգության գործակալությունը հայտնել էր, որ Լեհաստանում դիվանագիտական կարգավիճակ ունեցող ռուսաստանցիների թվում հայտնաբերել է 45 ռուս հետախույզների և հարակից անձանց:
Ինչպես ասվում է Լեհաստանի կառավարության կայքում հրապարակված հաղորդագրության մեջ, այս ցուցակում ընդգրկված անձանց գործունեությունն ուղղված է միջազգային ասպարեզում Լեհաստանի և նրա դաշնակիցների կայունությունը խաթարելուն և վտանգ է ներկայացնում երկրի շահերին ու անվտանգությանը։
Վտարված դիվանագետներից մեկը, ըստ ABW-ի, ՌԴ հետախուզական ծառայությունների անդամ է, ում գործունեությունը բացահայտվել է հետաքննության ընթացքում, որի արդյունքում մարտի 17-ին լրտեսության կասկածանքով Լեհաստանի քաղաքացի է ձերբակալվել ։
Ձերբակալվածն աշխատել է Վարշավայի ԶԱԳՍ-ի գրասենյակի արխիվում, ինչպես նաև հասանելիություն է եղել Լեհաստանի մայրաքաղաքի երկու այլ արխիվների փաստաթղթերին:
