Քննարկում. և՛ պետական, և՛ ոչ պետական բուհերը պետք է գտնվեն նույն մրցակցային դաշտում

Լուրեր

19.11.2026 | 09:45
ՀՀ տարածքում ավտոճանապարհները հիմնականում անցանելի են
19.11.2026 | 09:34
Ալեն Սիմոնյանի ճեպազրույցը. ՈՒՂԻՂ
19.11.2026 | 09:03
Անհետ կորած անձանց ճակատագիրը․ մարդասիրական երկխոսություն և համագործակցություն. ՈՒՂԻՂ
18.11.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
18.11.2026 | 23:16
Աբրահամ Խաշմանյանը վերադարձել է մարզչական աշխատանքի
18.11.2026 | 23:03
Ադրբեջանի իշխանությունները պետք է անհապաղ և անվերապահորեն ազատ արձակեն խոսքի ազատության իրավունքն իրացնելու համար բանտարկվածներին․ Amnesty International
18.11.2026 | 22:51
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը
18.11.2026 | 22:35
Հայ մարմնամարզիկները ոսկե ու արծաթե մեդալներ են նվաճել միջազգային մրցաշարում
18.11.2026 | 22:21
ՌԴ-ն Լեհաստանի տարածքում դիվերսիա էր ծրագրել՝ պատասխանատվությունը Կիևի վրա բարդելու համար․ Rzeczpospolita
18.11.2026 | 22:08
Եկեք գնանք ժողովրդին հարցնենք, մնացածն ի՞նչ կապիկություն է․ Միրզոյանը՝ Դավթյանին. ՏԵՍԱՆՅՈՒԹ
18.11.2026 | 21:55
Աստղագիտության միջազգային բաց օլիմպիադայում ՀՀ թիմն արժանացել է 6 մեդալի
18.11.2026 | 21:44
Պայմանագրային զինծառայող է մահացել
18.11.2026 | 21:35
Իսրայելի խորհրդարանը նոր խոսնակ ունի․ նրան աջակցում են Նեթանյահուի հակառակորդները
18.11.2026 | 21:24
Կոտայքի մարզում վթարային ջրանջատում կլինի
18.11.2026 | 21:13
GTA VI-ը պաշտոնապես թողարկվել է
Բոլորը

ՀՀ կրթության, գիտության, մշակույթի և սպորտի նախարարի տեղակալ Կարեն Թռչունյանն աշխատանքային հանդիպում է ունեցել ոչ պետական բուհերի ուսումնական մասի պատասխանատուների հետ: Հանդիպմանը ներկա են եղել նաև Բարձրագույն և հետբուհական մասնագիտական կրթության վարչության աշխատակիցները․ տեղեկացնում են ՀՀ ԿԳՄՍՆ-ից։

Հանդիպման օրակարգում ներառված էին բարձրագույն ուսումնական հաստատությունների լիցենզավորման և հավատարմագրման, բուհերի կազմակերպաիրավական ձևի, ուսումնական գործընթացի կազմակերպման և այլ խնդիրների վերաբերյալ հարցեր:

Ողջունելով քննարկման մասնակիցներին՝ փոխնախարար Կարեն Թռչունյանը նշել է, որ հանդիպման նպատակը «Բարձրագույն կրթության և գիտության մասին օրենքի» նախագծի հիմնական ուղղությունների հստակեցումն է, խնդիրների վերհանումն ու հնարավոր լուծումների առաջարկը: Նա փաստել է, որ կրթության զարգացման ռազմավարության մեջ հստակ շեշտադրված է՝ և՛ պետական, և՛ ոչ պետական բուհերը պետք է գտնվեն նույն մրցակցային դաշտում և որևէ առավելություն չունենան մեկը մյուսի նկատմամբ: Ըստ Կարեն Թռչունյանի՝ պետությունը պետք է տարանջատում չմտցնի այդ հարցում և որակյալ կրթության տրամադրման համար պետք է մշակի որոշակի չափանիշներ:

Նա նշել է, որ «Բարձրագույն կրթության և գիտության մասին օրենքի» նախագծի ընդունումից հետո նախատեսվում են համակարգային փոփոխություններ, և դրանցից բխող որոշակի գործառույթներ կան, որոնք պետք է իրականացնել՝ նախապես հասկանալով ռիսկերն ու հնարավորությունները: Մասնավորապես, անդրադառնալով բուհերի ուսումնական լրիվ կամ մասնակի բեռնվածությամբ համակարգի ներդրման հարցին՝ Կարեն Թռչունյանը բուհերի ներկայացուցիչներին առաջարկել է ներկայացնել իրենց մոտեցումները՝ մատնանշելով, թե տվյալ համակարգի ներդրումը յուրաքանչյուր բուհի համար որքանով է հնարավոր: Նա նշել է, որ վերոնշյալ համակարգը ենթադրում է ոչ միայն սովորողների համար իրենց ցանկությամբ ուսումնառության ժամկետի երկարաձգում, այլև դասախոսների համար նոր մոտեցմամբ վճարման համակարգի ներդրում, ինչի արդյունքում փոփոխության կենթարկվի բուհական ողջ ոլորտը:

Կարեն Թռչունյանը կարևորել է, որ նախօրոք քննարկվեն բուհերի լիցենզավորման և օրենքի նախագծի ընդունումից հետո այլևս պարտադիր դարձող ինստիտուցիոնալ և ծրագրային հավատարմագրման հետ կապված հարցերը: Նա շեշտել է, որ սահմանելով համապատասխան որակական չափանիշներ՝ լիցենզավորման և հավատարմագրման գործիքի միջոցով պետությունը նպատակ ունի ապահովելու որակյալ կրթություն: Նախարարի տեղակալն անդրադարձել է նաև բուհերի իրավակազմակերպական ձևի խնդրին՝ այս հարցում ակնկալելով ներկաների տեսակետները:

Փոխնախարարը նաև հետաքրքրվել է՝ արդյոք որևէ բուհ գրանցված է վարկանիշավորման միջազգային որևէ աղյուսակում, որը, ըստ Կարեն Թռչունյանի, շատ լավ գործիք է բուհերի համար՝ հասկանալու՝ ինչ խնդիրներ և առավելություններ ունեն առավել որակյալ կրթություն ապահովելու համար:

Հանդիպման ընթացքում ծավալվել է բուռն քննարկում, որի ընթացքում բուհերի ներկայացուցիչները հանդես են եկել համապատասխան առաջարկություններով և դիտարկումներով: Նրանք մի շարք հարցեր են ուղղել բարձրագույն կրթության ոլորտի պատասխանատուներին, որոնց վերաբերյալ ստացել են հանգամանալից պարզաբանումներ:

Քննարկման ավարտին ներկաները փաստել են, որ նմանօրինակ հանդիպումները պետք է դարձնել պարբերական՝ կրթության շահառուների խնդիրները լսելու, դրանք քննարկելու և հնարավոր լուծումներ գտնելու նպատակով: