20.11.2024 | 08:36
Նիկոլ Փաշինյանը հայտնեց ՆԳ նոր նախարարի անունը
Ի՞նչ եք ուզում մեր ժողովրդից, ո՞ւր եք ուզում տանել. Վաղարշակ Հակոբյանը՝ ընդդիմությանը․ ՏԵՍԱՆՅՈՒԹ
Քաղաքականություն
22.03.2022 | 14:30
«Այս օրենքի նախագիծն իրականության հետ կապ չունի, չի բխում արդի իրավիճակից»,-Ազգային ժողովում ՀՀ տարածքային ամբողջականությունը կասկածի տակ դնելը քրեորեն հետապնդելի արարք սահմանելու մասին նախագծի քննարկման ժամանակ այս կարծիքը հայտնեց «Քաղաքացիական պայմանագիր» խմբակցության պատգամավոր Վաղարշակ Հակոբյանը՝ հավելելով, որ այս նախագիծը, թերևս, ներկայացվել է քաղաքական շոու ապահովելու նպատակով:
«Ի՞նչ եք ուզում մեր ժողովրդից, ո՞ւր եք ուզում տանել այս իրավիճակը, ինչի՞ համար է այս ամեն ինչը: Գեղամ Մանուկյանը նշեց. «Միգուցե առաջնորդվում ենք խելագարության կանխավարկածով»: Այո՛, դուք առաջնորդվում եք խելագարության կանխավարկածով, և չեմ հասկանում, թե ինչու:
Դուք տեսակետներ եք արտահայտում պետական դավաճանության վերաբերյալ, բայց ես չեմ լսել ձեր կողմից որևէ որակում այն զինվորականների մասին, ովքեր պատերազմի ընթացքում զինվորներին կոչ էին անում չկռվել, ասում էին՝ իջե՛ք, հողերը ծախված են: Միգուցե այդ մարդկանց մի մասն էլ ձեզ հետ են առնչվում»,- նշեց Հակոբյանը՝ կոչ անելով իրավիճակն անտեղի չլարել:
Մանրամասները՝ տեսանյութում:
