14.09.2026 | 14:15
Պատմական ռեկորդ․ Հովհաննես Գաբրիելյանը լողալով հատել է Սևանա լիճն իր ողջ երկայնքով
Թուրքական դատարանն Էրդողանին վիրավորելու համար 70-ամյա տղամարդու է կալանավորել
Քաղաքականություն
21.03.2022 | 21:28
Թուրքական դատարանը կալանավորել է 70-ամյա Ալի Յըլմազին՝ երկրի նախագահ Ռեջեփ Թայիփ Էրդողանին «վիրավորելու» մեղադրանքով, գրում են թուրքական լրատվամիջոցները։
Նշվում է, որ տղամարդը տառապում է սրտի անբավարարությունից։
Յըլմազին կալանավորել են, երբ նա սոցիալական ցանցի իր էջում կիսվել է հայտնի լրագրող Սեդեֆ Քաբաշի խոսքերով, որը հանգեցրել էր լրագրողի բանտարկությանը։ Քաբաշին բանտից ազատ արձակելուց հետո Յըլմազն իր «բարի ցանկություններն» է հայտնել լրագրողին Twitter-ում։
«Այո՛, չերեզական ասածվածքն ասում է, երբ եզը մտնում է պալատ, չի դառնում թագավոր, սակայն պալատը վերածում է գոմի»,- գրել է նա։
Յըլմազը ձերբակալվել է մարտի 14-ին և հայտնվել Սիլիվրի բանտում։ Նա դատավորներին ասել է, որ առաջին անգամ է դատարանում, և որ սոցիալական ցանցի իր գրառմաբ փորձել է բացատրել՝ ինչու է Քաբաշը բանտարկվել։
«Ես նկատի չունեի կամ մտադիր չեմ վիրավորել պետության ղեկավարին։ Ես հիպերտոնիա և սրտի հիվանդություն ունեմ: Երբ ոստիկանները եկան իմ տուն, ես հեռացա՝ առանց դեղորայք ընդունելու»,- ասել է Յըլմազը դատավորներին։
Հիշեցնենք՝ հունվարի 22-ին նախագահ Էրդողանին վիրավորելու համար բանտարկվել էր լրագրող Սեդեֆ Քաբաշը, երբ ուղիղ եթերում, իսկ ավելի ուշ՝ նաև Թվիթերում ասել էր․ «Եզը կարող է գնալ պալատ, բայց դա նրան թագավոր չի դարձնում։ Նա, սակայն, պալատը վերածում է գոմի»։
Ստամբուլի դատարանը մարտի 11-ին լրագրողին դատապարտել է 2 տարի 4 ամիս ժամկետով պայմանական ազատազրկման։
Էմմա Չոբանյան
