26.11.2024 | 22:13
Հակասական ցուցմունքներ․ ՔՊ-ական պատգամավորի միջադեպի գործով հարցաքննվեց ավտոբուսի վարորդը. ՏԵՍԱՆՅՈՒԹ
Ջո Բայդենը Չինաստանի նախագահի հետ կքննարկի Ուկրաինայի շուրջ իրավիճակը
Քաղաքականություն
17.03.2022 | 18:07
ԱՄՆ նախագահ Ջո Բայդենը ուրբաթ հեռախոսազրույց է ունենալու Չինաստանի նախագահ Սի Ցզինպինի հետ։ Այս մասին հայտարարել է Սպիտակ տան մամուլի խոսնակ Ջեն Փսակին, գրում է CNN-ը։
Նա նշել է, որ նախագահները քննարկելու են երկու երկրների միջև մրցակցության հ հարցը, խոսելու են նաև Ուկրաինայի դեմ Ռուսաստանի պատերազմի և փոխադարձ մտահոգություն ներկայացնող այլ հարցերի մասին։
«Սա ԱՄՆ-ի և Չինաստանի միջև հաղորդակցության բաց գծերը պահպանելու մեր շարունակական ջանքերի մի մասն է»,- ասել է Փսակին։
Հիշեցնենք, որ օրերս էլ Հռոմում հանդիպել էին ԱՄՆ նախագահի ազգային անվտանգության հարցերով խորհրդական Ջեյք Սալիվանն ու Չինաստանի բարձրաստիճան դիվանագետներից մեկը։
Էմմա Չոբանյան
