26.08.2026 | 14:43
Խոզանի և բուսական մնացորդների այրումը վտանգում է կենսաբազմազանությունը․ ՇՄՆ
Պետությունը սկսել է երրորդ և հաջորդ երեխաների համար տրվող 50 հազար դրամի աջակցության վճարումները
Հասարակություն
17.03.2022 | 16:10
Factor.am-ի անդրադարձից հետո Աշխատանքի և սոցիալական հարցերի նախարարությունը երեք և ավելի երեխա ունեցող ընտանիքներին սկսել է վճարել հունվար և փետրվար ամիսիների համար նախատեսված 50 հազար դրամ աջակցության գումարները:
Տեղեկությունը Factor.am-ին փոխանցեցին ծրագրի շահառուներից մի քանիսը: Նրանք ավելի վաղ ահազանգել էին այն մասին, որ պետությունը չի վճարում երրորդ և հաջորդ երեխաների համար նախատեսված աջակցության գումարները:
Աշխատանքի և սոցիալական հարցերի նախարարության թեժ գծից ինչպես քաղաքացիներին, այնպես էլ Factor.am-ին տեղեկացրել էին, որ նշյալ ծրագրի համար ֆինանսական հատակցումներ դեռ չկան:
Իսկ ահա նախարարության մամուլի ծառայությունից հակասող պատասխան էին տվել՝ պարզաբանելով, թե ծրագրային խնդիրներ կան: Երրորդ և հաջորդ երեխաների համար տրվող 50 հազար դրամի աջակցության մասին առաջին անգամ Նիկոլ Փաշինյանը խոսել էր 2021 թվականի արտահերթ ընտրությունների նախընտրական շրջանում՝ հրավիրելով երիտասարդ ընտանիքների ուշադրությունը: Վարչապետը նշել էր, որ գումարը վճարվելու է մինչև երեխայի 4 տարեկան դառնալը: Պետական այս ծրագիրը նախնական գործելու է 2022-2026 թվականներին:
Նշենք, որ հունվար և փետրվար ամիսներին երրորդ և հաջորդ երեխայի համար 50 հազարական դրամի աջակցություն ստանալու համար նախարարություն դիմել է 908 ընտանիքի :
Նարեկ Կիրակոսյան
