16.09.2026 | 19:14
Համաշխարհային օլիմպիադա. Շախմատի Հայաստանի հավաքականները մեկնարկեցին հաղթանակով
Կառավարությունը գաղտնի է պահել կուսակցություններին պետբյուջեից տրվող գումարների չափը
Քաղաքականություն
16.03.2022 | 23:12
Ազգային ժողովի աշխատակազմի կողմից մշակվել է կառավարության որոշման նախագիծ, որով նախատեսվում է պետական աջակցություն հատկացնել 2021 թվականի արտահերթ ընտրությունների սահմանված շեմը հաղթահարած կուսակցություններին ու դաշինքերին: Որոշման նախագիծն ընդգրկված է կառավարության նիստի չզեկուցվող հարցերի ցանկում:
Ուշագրավ է, որ կառավարությունը ոչ միայն որոշումը չզեկուցվող ռեժիմով է ընդունլու, այլև կառավարության պաշտոնական կայքում նախագծին կցված չեն հավելվածները, թե որ քաղաքական ուժին որքան գումար է տրվելու:
Մասնավորապես, իշխող մեծամասնությանը հատկացվող պետական աջակցությունը կարող է հասնել մի քանի տասնյակ մլն դրամի:
Նիկոլ Փաշինյանի ղեկավարած «Քաղաքացիական պայմանագիր» կուսկացությանն, օրինակ, անցած տարի պետբյուջեից հատկացվել էր մոտ 80 մլն դրամի աջակցություն: Այս տարի ևս աջակցության առյուծի բաժինը հասնելու է ՔՊ-ին, սակայն, կառավարությունն առայժմ անհասկանալի պատճառներով նախագծին չի կցել հավելված, որից պարզ կդառնար ոչ միայն ՔՊԿ-ին, այլ նաև մյուս ուժերին տրվող պետական գումարների չափը:
Factor.am-ն առաջիկայում գրավոր հարցմամբ գործադիրից կպահանջի հարկատուների միջոցներից կուսակցություններին տրվող աջակցության վերաբերյալ տեղեկությունները:
Նարեկ Կիրակոսյան
