18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Ադրբեջանի ԱԳՆ-ն արձագանքել է Արարատ Միրզոյանի հայտարարություններին
Քաղաքականություն
15.03.2022 | 20:16
Ադրբեջանի ԱԳՆ-ն պատասխանել է ՀՀ ԱԳ նախարար Արարատ Միրզոյանին։ Ադրբեջանական լրատվամիջոցների փոխանցմամբ՝ ԱԳՆ հայտարարության մեջ նշվում է, որ Բաքվի դիրքորոշումը Հայաստանի և Ադրբեջանի հարաբերությունների կարգավորման հարցում պարզ է և հետևողական։
«Մենք հարկ չենք համարում կրկնել այն դիրքորոշումը, որը բազմիցս հայտարարել ենք։ Հաշվի առնելով հակամարտությունից հետո երկու երկրների հարաբերությունների կարգավորման և տարածաշրջանում խաղաղության հաստատման կարևորությունը՝ Ադրբեջանը համապատասխան առաջարկություններ է արել և պատրաստ է առաջ շարժվել այս ուղղությամբ։ Եթե Հայաստանը ևս լուրջ է վերաբերվում այդ հարցին, ապա պետք է ներկայացնի իր կոնկրետ առաջարկները և դրանով ցուցաբերի իր պատրաստկամությունը՝ սկսելու արդյունքին միտված բանակցություններ»,- ասվում է հայտարարության մեջ։
Նշնեք, որ ՀՀ արտաքին գործերի նախարար Արարատ Միրզոյանը հարցազրույցում ընդգծել է, որ Ադրբեջանի հետ խաղաղության պայմանագրի շուրջ բանակցությունները պետք է ընթանան առանց նախապայմանների: Նախարարը հիշեցրել է, որ ԱԳՆ-ն դիմել է ԵԱՀԿ Մինսկի խմբի համանախագահությանը՝ կազմակերպելու խաղաղության պայմանագրի շուրջ բանակցություններ:
Էմմա Չոբանյան
