06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
Բայդենն ու Մակրոնը պայմանավորվել են խստացնել Ռուսաստանի դեմ սահմանված պատժամիջոցները
Քաղաքականություն
14.03.2022 | 14:02
Ֆրանսիայի նախագահ Էմանուել Մակրոնը հեռախոսազրույց է ունեցել ԱՄՆ և Ուկրաինայի առաջնորդներ Ջո Բայդենի և Վլադիմիր Զելենսկու հետ, հայտնում է Ելիսեյան պալատի մամուլի ծառայությունը։
Հաղորդագրության մեջ ասվում է, որ Մակրոնը ցավակցություն է հայտնել Բայդենին՝ Ուկրաինայում ամերիկացի լրագրող Բրենտ Ռենոյի մահվան կապակցությամբ։ Բացի այդ, երկու պետությունների ղեկավարները պայմանավորվել են ուժեղացնել Ռուսաստանի դեմ արդեն իսկ կիրառված պատժամիջոցները, աջակցել Ուկրաինային և համատեղ ձեռնարկել բոլոր օգտակար նախաձեռնությունները «ռազմական գործողություններին վերջ տալու համար», – ասված է հաղորդագրության մեջ։ Մակրոնն ու Բայդենը պայմանավորվել են «սերտ կապի մեջ լինել» այս հարցում։
Դրանից հետո Մակրոնը կապ է հաստատել Զելենսկիի հետ, ում հետ զրույցում լիակատար աջակցություն է հայտնել Ուկրաինային, ինչպես նաև խոսել է լրացուցիչ օգնության մասին, որը Եվրամիությունը որոշել է հանրապետությանը տրամադրել Վերսալյան գագաթնաժողովից հետո։
Երկու երկրների ղեկավարները քննարկել են Ռուսաստանի և Ուկրաինայի միջև բանակցությունների շարունակությունը։ Նրանք առաջիկա օրերին կշարունակեն համակարգել իրենց գործողությունները։
Տաթև Ֆռանգյան
