29.07.2026 | 00:56
«Արարատ-Արմենիան» դուրս եկավ Չեմպիոնների լիգայի որակավորման երրորդ փուլ. ՏԵՍԱՆՅՈՒԹ
Բաքուն և Թեհրանը Իրանով հաղորդակցման ուղի են ստեղծում Նախիջևանի և Արցախի գրավյալ տարածքների միջև
Քաղաքականություն
11.03.2022 | 21:43
Ադրբեջանի և Իրանի կառավարությունները փոխըմբռնման հուշագիր են ստորագրել՝ Արցախի գրավյալ տարածքների և Նախիջևանի Ինքնավար Հանրապետության միջև Իրանի տարածքով հաղորդակցության նոր կապեր հաստատելու վերաբերյալ, գրում են ադրբեջանական լրատվամիջոցները։
Ադրբեջանական կողմից հուշագիրը ստորագրել է փոխվարչապետ, հանձնաժողովի համանախագահ Շահին Մուսթաֆաևը, իսկ իրանական կողմից՝ Իրանի ճանապարհների և քաղաքաշինության նախարար, հանձնաժողովի համանախագահ Ռուստամ Ղասեմին։
Նշենք, որ այսօր Բաքվում անցկացվում է Ադրբեջանի և Իրանի միջև տնտեսական, առևտրային և հումանիտար ոլորտներում համագործակցության պետական հանձնաժողովի 15-րդ նիստը։ Մուսթաֆաևը նշել է, որ Ադրբեջանում 2500 իրանական ընկերություն է աշխատում։
«Իրանական ընկերություններն աշխատելու են Ադրբեջանի «ազատագրված տարածքներում»։ Նրանք արդեն մասնակցում են վերականգնման աշխատանքներին։ Այսօր նրանք կսկսեն աշխատել մի քանի նախագծերի շրջանակում»,- ասել է Մուսթաֆաևը։
Էմմա Չոբանյան
