18.12.2025 | 12:34
Վրաստանն արգելել է իր քաղաքացիներին քվեարկել արտասահմանում գտնվելու ընթացքում
Սևծովյան տարածաշրջանում լարվածության կտրուկ աճ է նկատվում. Էրդողան
Քաղաքականություն
11.03.2022 | 18:43
Մարդկությունը դեռ չի կարողացել լուծել մեր ժամանակի գլոբալ խնդիրները։ Այս մասին Անթալիայում երկրորդ դիվանագիտական ֆորումի բացման ժամանակ հայտարարել է Թուրքիայի նախագահ Ռեջեփ Թայիփ Էրդողանը, գրում է Անադոլուն։
«Պատերազմը, ահաբեկչությունը, սովը, աղքատությունը և կլիմայի փոփոխությունը շարունակում են մնալ միջազգային հանրության օրակարգում»,- ասել է Թուրքիայի ղեկավարը։
Նա նշել է, որ այսօր միջազգային կազմակերպությունների նկատմամբ վստահությունն իջել է նվազագույն մակարդակի։
Թուրքիայի ղեկավարը նշել է, որ 2014 թվականից մինչ օրս շուրջ 25 հազար մարդ է ջրահեղձ եղել Միջերկրական ծովի ջրերում՝ փորձելով հասնել Եվրոպա։ «Մենք ապրում ենք մի աշխարհում, որտեղ մոտ 800 միլիոն մարդ սոված է։ Նման իրավիճակում կայունություն ապահովելն անհնար է»,- ասել է Էրդողանը։
Թուրքիայի ղեկավարն ուշադրություն է հրավիրել սևծովյան տարածաշրջանում լարվածության կտրուկ աճի վրա։
«Այն փաստը, որ նախօրեին Անթալիայում սկսվել են բարձր մակարդակի բանակցությունները Ռուսաստանի Դաշնության և Ուկրաինայի միջև, հաստատում է, որ ֆորումը մոտենում է իր նպատակին։ Եթե 2014 թվականին միջազգային հանրությունը և Արևմուտքը հանդես գային որպես միասնական ճակատ Ղրիմի անարդարացի բռնակցման դեմ, ապա այսօր պատկերը բոլորովին այլ կլիներ»,- ասել է Էրդողանը։
Թուրքիայի նախագահը մեղադրել է Արևմուտքին «արդար պայքարում Ուկրաինային միայնակ թողնելու մեջ»։
Էրդողանը Ուկրաինային անվանել է Թուրքիայի բարեկամ և հարևան՝ ընդգծելով, որ «Անկարան չի ընդունում ագրեսիվ քայլերը տարածաշրջանում»։
Տաթև Ֆռանգյան
