17.12.2025 | 21:22
Արագածոտնի թեմը վաղվա պատարագը տեղափոխում է Մայր Աթոռ. այն կկայանա նույն ժամին, ինչ 10 եպիսկոպոսների հայտարարած հավաքն է
Էրդողանի և Ալիևը հանդիպումն Անկարայում շուրջ 4 ժամ է տևել․ ի՞նչ են քննարկել
Քաղաքականություն
11.03.2022 | 13:39
Ադրբեջանի նախագահ Իլհամ Ալիևը նախօրեին մեկօրյա աշխատանքային այցով Անկարայում էր, որտեղ հանդիպել է Թուրքիայի նախագահ Ռեջեփ Թայիփ Էրդողանին։ Երկու երկրների նախագահները հանդիպել են Անկարայի Չանքայա պալատում, փակ դռների հետևում։
Թուրքական լրատվամիջոցների հաղորդմամբ՝ հանդիպումը տևել է 3 ժամ 45 րոպե։ Թուրքիայի նախագահականի հրապարակած տեղեկատվության համաձայն՝ նախագահները քննարկել են ՌԴ-ի և Ուկրաինայի միջև ռազմական գործողությունները, տարածաշրջանային, ինչպես նաև երկկողմ հարաբերություններին առնչվող հարցեր։
Նշվում է, որ հանդիպման ընթացքում երկու ղեկավարներն ընդգծել են իրենց վճռականությունը՝ առավել ամրապնդել Թուրքիա-Ադրբեջան հարաբերությունները, որոնք զարգացել են եղբայրության և բարեկամության հիման վրա բոլոր ոլորտներում։ Տեղի է ունեցել մտքերի փոխանակում՝ կապված թուրք-ադրբեջանական ռազմավարական համագործակցության հետ, որը նախատեսվում է «Շուշիի հռչակագրով», անդրադարձ է եղել նաև, այսպես կոչված, «Զանգեզուրի միջանցքի» և Թուրքիա-Նախիջևան գազատարի շինարարությանն առնչվող հարցերին։
Էրդողանն ու Ալիևը նաև քննարկել են Թուրքիայի և Ադրբեջանի համագործակցությունը Եվրոպայի էներգետիկ անվտանգության ապահովման գործում։
Էմմա Չոբանյան
