06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
ԵՄ-ում չեն համաձայնեցրել Ուկրաինայի անդամակցության արագացված ընթացակարգը
Քաղաքականություն
11.03.2022 | 11:19
ԵՄ երկրները կշարունակեն «մարդասիրական, բժշկական և ֆինանսական» օգնություն ցուցաբերել ուկրաինացի փախստականներին, ասվում է Վերսալում ԵՄ ոչ պաշտոնական գագաթնաժողովի արդյունքներով մարտի 11-ի գիշերը հրապարակված հայտարարության մեջ, գրում է DW-ի ռուսական ծառայությունը։
ԵՄ երկրները խոստացել են նաև «աջակցել ժողովրդավարական Ուկրաինայի վերականգնմանը» պատերազմի ավարտից հետո։ Փաստաթղթում նշվում է, որ Եվրահանձնաժողովը պետք է եզրակացություն տա Եվրամիություն մտնելու ուկրաինական հայտի վերաբերյալ, իսկ մինչ այդ նախատեսվում է ամրապնդել գործընկերային հարաբերությունները Կիևի հետ։
«Ուկրաինան պատկանում է մեր եվրոպական ընտանիքին»,- ասվում է հայտարարության մեջ, սակայն, ըստ Նիդեռլանդների վարչապետ Մարկ Ռյուտենի, Եվրահանձնաժողովի գնահատականը կարող է երկար տևել։
«ԵՄ-ին անդամակցելու արագացված ընթացակարգ չկա: Սա ապտակ կլինի Չեռնոգորիայի, Սերբիայի, Ալբանիայի և Հյուսիսային Մակեդոնիայի համար, որոնք այսքան ժամանակ սպասում են անդամակցության գործընթացին», – ասել է նա: «Մենք չպետք է ուկրաինացիներին այնպիսի զգացողություն փոխանցենք, որ այդ ամենը կարող է տեղի ունենալ մոտ օրերս»,- հավելել է նրա լյուքսեմբուրգցի գործընկեր Քսավյեր Բեթելը։
