26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Ռուսական զորքերը մոտենում են Ուկրաինայի երկրորդ ամենամեծ միջուկային օբյեկտին. ՄԱԿ-ում ԱՄՆ դեսպան
Քաղաքականություն
05.03.2022 | 11:02
Ռուսական զորքերը մոտենում են Ուկրաինայի մեծությամբ երկրորդ միջուկային օբյեկտին։ Այս մասին հայտարարել է ՄԱԿ-ում ԱՄՆ ներկայացուցիչ Լինդա Թոմաս-Գրինֆիլդը, հայտնում է unian.net-ը՝ CNN-ին հղում տալով։
«Ռուսական ուժերն այժմ գտնվում են 20 մղոն հեռավորության վրա և մոտենում են Ուկրաինայի երկրորդ ամենամեծ միջուկային օբյեկտին», – ասել է նա՝ չնշելով կայանի անունը:
Ըստ Էներգոատոմի՝ էլեկտրաէներգիայի արտադրության առումով Ուկրաինայի երկրորդ միջուկային օբյեկտը Հարավուկրաինական ԱԷԿ-ն է, որը գտնվում է Ուկրաինայի հարավում գտնվող Նիկոլաևի մարզում:
«Նախագահ Պուտինը պետք է դադարեցնի այս հումանիտար աղետը՝ վերջ տալով այս պատերազմին և վերջ տալով Ուկրաինայի ժողովրդի դեմ այս անամոթ հարձակումներին», – հավելել է դեսպանը։
Թոմաս-Գրինֆիլդն ասել է, որ վտանգը պահպանվում է Զապորոժիեի ատոմակայանում բռնկված հրդեհից խուսափելուց հետո էլ։
«Միջազգային հանրությունը պետք է միաձայն պահանջի, որ ռուսական ուժերը դադարեցնեն իրենց վտանգավոր հարձակումը: Եվ, ինչպես ասացի, Ուկրաինայի ժողովուրդը հույսը դնում է մեզ վրա, և մենք չպետք է հուսախաբ անենք»,- ասել է նա:
