26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Թուրքիայում գնաճը վերջին 20 տարվա ամենաբարձր ցուցանիշին է հասել՝ կազմելով 54,44%
Քաղաքականություն
04.03.2022 | 23:20
Թուրքիայում տարեկան գնաճը հասել է սպասվածից ավելի քան 54,44 տոկոսի փետրվարին։ Այս մասին վկայում են պաշտոնական տվյալները։ Նշվում է, որ սա երկու տասնամյակի ամենաբարձր ցուցանիշն է՝պայմանավորված անցյալ տարվա վերջին լիրայի արժեզրկմամբ և ապրանքների գների բարձրացմամբ, գրում է Duvar-ը։
Թուրքիայի վիճակագրական ինստիտուտը հայտնում է, որ ամսական կտրվածքով սպառողական գներն աճել են 4,81%-ով։ Արտադրական գների ինդեքսը փետրվարին ամսական կտրվածքով աճել է 7,22 տոկոսով՝ տարեկան աճը կազմելով 105 տոկոս, որն արտացոլում է Ռուսաստան-Ուկրաինա լարվածության պայմաններում ապրանքների գների աճը:
Անկախ ENAG Inflation Research Group-ի ոչ պաշտոնական տվյալների համաձայն՝ Թուրքիայում տարեկան սպառողական գնաճը փետրվարին կազմել է 123,80%, ինչը շատ ավելի բարձր է, քան պաշտոնական տվյալները։ ENAG-ը նաև նշում է, որ փետրվարին Թուրքիայում գներն ամսական կտրվածքով աճել են 5,44 տոկոսով։
Լրատվամիջոցը գրում է, որ սա վատ նորություն է նախագահ Ռեջեփ Թայիփ Էրդողամի համար հաջորդ տարի ընտրություններում վերընտրվելու համար, քանի որ ճգնաժամի հետևանքով նա որոշակի աջակցություն է կորցնում։ Ավելի վաղ էլ Էրդողանը հայտարարել է, որ մինչև ամառ գնաճը կլինի վերահսկողության տակ։
Հավելենք, որ թուրքական լիրան նախորդ տարի արժեզրկվեց 44տոկոսվ, որը երկրում հանգեցրել է տնտեսական ճգնաժամի, աննախադեպ գնաճի ու սոցիալական լարվածության։
Էմմա Չոբանյան
