10.10.2026 | 12:57
Նավթի գներն աճել են
Թմրանյութը գնել էր «Տելեգրամի» միջոցով․ Մարտունիի ոստիկանների բացահայտումը․ ՏԵՍԱՆՅՈւԹ
Հասարակություն
03.03.2022 | 23:16
Փետրվարի 23-ին Մարտունու բաժնի համայնքային ոստիկանները ստացել էին օպերատիվ տեղեկություն` ապօրինի թմրանյութ պահելու և օգտագործելու վերաբերյալ: Ժամը 19.30-ին Կամոյի փողոցից նրանք բերման են ենթարկել երեք տղամարդու` «ԲՄՎ» մակնիշի մեքենայով հանդերձ:
ՀՀ ոստիկանությունից տեղեկանում ենք, որ ուղևորներից մեկի անձնական խուզարկությամբ հայտնաբերվել է կաթուցիչ` դեղնականաչավուն զանգվածով: Նա հայտնել է, որ կաթուցիչում շոկո տեսակի թմրանյութ է, որը «տելեգրամի» միջոցով գնել է փետրվարի 16-ին: Մեկ գրամի դիմաց փոխանցել էր 15 հազար դրամ, այնուհետև մայրաքաղաքի Աջափնյակ թաղամասում՝ վաճառողի նշած վայրում, վերցրել էր թմրամիջոցը:
Նշանակվել են դատաքիմիական և տոքսիկաքիմիական փորձաքննություններ, հանգամանքները պարզվում են:
