07.11.2024 | 09:46
Այց Շվեդիա՝ ԵԽ «Կանանց նկատմամբ բռնության հաղթահարումը և գենդերային հավասարության ամրապնդումը Հայաստանում» ծրագրի շրջանակներում
Վրաստանը մարտի 3-ին կդիմի ԵՄ-ին՝ կազմակերպությանն անդամակցելու համար
Քաղաքականություն
02.03.2022 | 22:23
Վրաստանի իշխող «Վրացական երազանք» կուսակցությունը, կառավարության հետ խորհրդակցելուց հետո, որոշել է մարտի 3-ին արագացված ռեժիմով դիմել Եվրամիություն՝ կազմակերպության անդամի թեկնածուի կարգավիճակ ստանալու համար։ Այս մասին չորեքշաբթի ճեպազրույցի ժամանակ հայտարարել է իշխող կուսակցության ղեկավար Իրակլի Կոբախիձեն, փոխանցում է ՏԱՍՍ-ը։
«Վրաստանի կառավարությունն արդեն պատրաստում է Եվրամիությանն անդամակցելու թեկնածուի կարգավիճակ ստանալու դիմումը, որը վաղը պաշտոնապես կներկայացվի ԵՄ կառույցներին՝ Վրաստանի իշխանությունների անունից»,- ասել է Կոբախիձեն։
Նա հիշեցրել է, որ «Վրացական երազանք»-ը նախատեսում էր 2024 թվականին ԵՄ անդամակցության թեկնածուի կարգավիճակ ստանալու դիմում ներկայացնել, սակայն գործընթացն արագացնելու որոշումը է կայացվել՝ «ելնելով քաղաքական համատեքստից և նոր իրողություններից»։
