14.09.2026 | 09:45
Արտարժույթների փոխարժեքները՝ սեպտեմբերի 14-ի դրությամբ
Չավուշօղլուն հայտարարել է, որ Թուրքիան չի միանա ՌԴ-ի դեմ պատժամիջոցներին
Քաղաքականություն
02.03.2022 | 15:02
Թուրքիան մտադիր չէ միանալ ՌԴ-ի դեմ միջազգային պատժամիջոցներին։ Այս մասին Haberturk-ի հետ հարցազրույցում հայտարարել է Թուրքիայի ԱԳ նախարար Մևլութ Չավուշօղլուն, փոխանցում է «Անադոլու» գործակալությունը։
«Որպես կանոն՝ մենք չենք մասնակցում նման պատժամիջոցներին։ Մենք մտադիր չենք այս պատժամիջոցներին ևս միանալ»,- ասել է Չավուշօղլուն։
Նա նշել է, որ Թուրքիան վարում է պրագմատիկ քաղաքականություն ու հակամարտության կողմերից որևէ մեկի կողմից չէ։
«Թուրքիան պարտավոր չէ որևէ մեկի կողմն անցնել։ Չնայած տարաձայնություններին՝ մենք հավասարապես հաջողությամբ զարգացնում ենք մեր հարաբերությունները Ռուսաստանի և Ուկրաինայի հետ։ Մենք այն հազվագյուտ երկրներից ենք, որոնք հավասար հարաբերություններ ունեն երկու երկրների հետ, որոնք ներգրավված են այս հակամարտությունում։ Մենք փորձում ենք օգտագործել այս առավելությունը, որպեսզի հնարավորինս շուտ ավարտվի պատերազմը։ Սա մեր սկզբունքային դիրքորոշումն է»,- ասել է Չավուշօղլուն։
Նա բացատրել է, որ Թուրքիան ձեռնպահ է մնացել Եվրախորհրդում Ռուսաստանի դեմ քվեարկելուց՝ այդ շփումները չխզելու համար։
«Եվրախորհրդից Ռուսաստանի դուրս մնալը նշանակում է, որ նրա քաղաքացիները նույնպես կորցնում են մուտքը եվրոպական դատական համակարգ՝ ներառյալ մարդու իրավունքների ինստիտուտները»,- ասել է Թուրքիայի ԱԳ նախարարը՝ նշելով, որ Անկարան, փակելով ռազմանավերի համար նեղուցները, խստորեն կատարում է Մոնտրոյի կոնվենցիան։
Էմմա Չոբանյան
