07.11.2024 | 09:46
Այց Շվեդիա՝ ԵԽ «Կանանց նկատմամբ բռնության հաղթահարումը և գենդերային հավասարության ամրապնդումը Հայաստանում» ծրագրի շրջանակներում
ՖԻՖԱ-ն և ՈՒԵՖԱ-ն կասեցրել են ռուսական ակումբների և ազգային թիմերի մասնակցությունը բոլոր մրցաշարերին
Քաղաքականություն
28.02.2022 | 22:19
ՖԻՖԱ-ն և ՈՒԵՖԱ-ն կասեցրել են բոլոր ռուսական ակումբների և ազգային թիմերի մասնակցությունը հետագա մրցաշարերին: Այս մասին նշված է ՈՒԵՖԱ-ի պաշտոնական կայքում տեղադրված հաղորդագրության մեջ։
«ՖԻՖԱ-ի խորհրդի և ՈՒԵՖԱ-ի գործադիր կոմիտեի կողմից ընդունված նախնական որոշումներից հետո, որոնք նախատեսում էին լրացուցիչ միջոցների ընդունում, ՖԻՖԱ-ն և ՈՒԵՖԱ-ն այսօր միասին որոշեցին, որ բոլոր ռուսական թիմերի՝ լինեն ազգային ներկայացուցչական թիմեր, թե ակումբային թիմեր, գործունեությունը կասեցվում է ՖԻՖԱ-ի և ՈւԵՖԱ-ի մրցաշարերից, մինչև հետագա ծանուցումը:
Ֆուտբոլը համախմբում է, մենք լիակատար համերաշխություն ենք արտահայտում Ուկրաինայում տուժած բոլոր մարդկանց նկատմամբ։
Երկու նախագահներն էլ հույս ունեն, որ Ուկրաինայում իրավիճակն արագ կկարգավորվի, որպեսզի ֆուտբոլը կրկին կարողանա մարդկանց միջև միասնության և խաղաղության վեկտոր դառնալ»,-գրված է համատեղ հայտարարության մեջ։
