17.12.2025 | 18:25
ԱԱԾ-ն վարչապե՞տ, թե՞ քաղաքացի Փաշինյանի հորդորով է հոգևորականներին խնդրել զեղչել կաթողիկոսի անունը
Կիևում հզոր պայթյուն է որոտացել ՌԴ-Ուկրաինա բանակցությունների ավարտից հետո․ Գերաշչենկո
Քաղաքականություն
28.02.2022 | 21:24
Ռազմական գործողությունների ավարտի շուրջ Ուկրաինայի և Ռուսաստանի միջև բանակցությունների ավարտից հետո Կիևի մատույցներում բալիստիկ հրթիռներով հարված է հասցվել։ Այս մասին հայտնել է Ուկրաինայի ՆԳՆ ղեկավարի խորհրդական Անտոն Գերաշչենկոն, փոխանցում է Korrespondent-ը։
«Կիև. Աջ ափ, ձախ ափ: Բանակցություններից հետո ռուսները բալիստիկ հրթիռներ են արձակում: Մեր տեղեկություններով՝ Ուկրաինան ռուսներին կոշտ պայմաններ է առաջադրել, որոնք ներառում են զորքերի ամբողջական դուրսբերում Ուկրաինայի ամբողջ տարածքից: Հաջորդ բանակցություններից առաջ Ռուսաստանը ցանկանում է բարձրացնել խաղադրույքները՝ շրջապատել Կիևն ու Մարիուպոլը։ Սա կլինի ռուսների վերջին փորձը, որին մեր բանակը պատրաստ է։ Առջևում վճռական մարտն է»,- Տելեգրամում գրել է ԳԵրաշչենկոն։
Միաժամանակ, Բրովարիի քաղաքապետ Իգոր Սապոժկոն հայտնել է, որ Կիևի ուղղությամբ օդային հարձակում է իրականացվել։
«Մի քանի րոպե առաջ օդային հարձակում է իրականացվել Բրովարիի մատույցներում՝ Կիևի ուղղությամբ։ Կան վիրավորներ։ Մնացեք ապաստարաններում»,- գրել է նա Facebook-ում։
