29.03.2026 | 18:19
ԹՐԻՓՓ-ի շուրջ քննարկումները չեն դանդաղել․ փաստաթղթերի համաձայնեցման փուլում ենք․ Միրզոյան
Նիկոլ Փաշինյանը փակ հանդիպում կանցկացնի իշխանական խմբակցության հետ
Քաղաքականություն
28.02.2022 | 18:05
Factor TV-ն տեղեկացավ, որ այսօր՝ ժամը 18.30-ին, Ազգային ժողովում վարչապետ Նիկոլ Փաշինյանը փակ հանդիպում կանցկացնի իշխող «Քաղաքացիական պայմանագիր» խմբակցության հետ։ Նիստի հիմնական թեման լինելու է աշխարհաքաղաքական իրավիճակը, Ուկրաինայում ծավալվող պատերազմը և այն հարցը, թե ինչպիսին պետք է լինի Հայաստանի իշխանության ներկայացուցիչների դիրքորոշումը ստեղծված իրավիճակում։
Ըստ մեր աղբյուրի՝ խորհրդարանի առաջիկա քառօրյա նիստերին առանձնապես անդրադարձ չի կատարվելու, քանի որ քաղաքական թիմի համար այս պահին ավելի կարևոր է քննարկել, թե ինչպիսին պետք է լինի Հայաստանի դիրքավորումը ռուս-ուկրաինական պատերազմի ֆոնին և հնարավոր ինչ մարտահրավերների ու սպառնալիքների առջև կարող ենք կանգնել։
Հիշեցնենք նաև, որ առաջիկա քառօրյա նիստերի ընթացքում քննարկվելու է ՀՀ նախագահի ընտրության հարցը։
Մերի Մարտիրոսյան
