16.09.2026 | 19:50
Նիժնի Տապըռի գեղ եք ուզում, որ ոնց ուզեք՝ ձեր «Մայբախ»-ները քշեք. Փաշինյան
Առաջին ասիական ավիաընկերությունը չեղարկել է դեպի Մոսկվա չվերթները
Քաղաքականություն
28.02.2022 | 17:02
Singapore Airlines ավիաընկերությունը դարձել է Ասիայում առաջինը, որը հայտարարել է դեպի Մոսկվա չվերթների դադարեցման մասին, գրում է HB-ն։
«2022 թվականի փետրվարի 28-ից Singapore Airlines-ը (SIA) ժամանակավորապես դադարեցնում է բոլոր չվերթները Սինգապուրի և Մոսկվայի միջև (SQ362 և SQ361) տեխնիկական պատճառներով՝ մինչ հավելյալ ծանուցումը»,- ասված է կազմակերպության կայքում։
Հաղորդագրությունը հրապարակվել է տեղի ժամանակով ժամը 11։30-ին։ Սա ասիական առաջին ավիաընկերության կողմից հրապարակված նման հաղորդագրությունն է։
Հիշեցնենք, որ Ուկրաինայում Ռուսաստանի ռազմական գործողություններից հետո ավելի քան 30 երկրներ ամբողջությամբ կամ մասամբ փակել են իրենց օդային տարածքը Ռուսաստանի Դաշնության քաղաքացիական ինքնաթիռների համար։ Սա ներառում է Եվրամիությունը և Կանադան: Նման երկրների ցանկն անընդհատ ընդլայնվում է։
Տաթև Ֆռանգյան
