16.09.2026 | 20:30
ՌԴ-ն նոր պատժամիջոցներ կկիրառի՝ հենց ՀՀ-ն որոշի ռազմաբազան հեռացնել․ Դավիթ Կարապետյան․ ՏԵՍԱՆՅՈՒԹ
Anonymous-ի հաքերները կոտրել են ավելի քան 300 ռուսական կայք
Քաղաքականություն
28.02.2022 | 16:39
Anonymous հաքերային խումբը հարձակման է ենթարկել ավելի քան 300 ռուսական կայքեր, այդ թվում՝ ՏԱՍՍ, Forbes, «Կոմերսանտ», «Իզվեստիա» պարբերականների կայքերը, հաղորդում է «Մեդիազոնան»։
Այս էջեր մուտք գործող օգտատերերը դրանց բովանդակության փոխարեն տեսնում են ուկրաինական պատերազմին վերաբերող գրառում, որում ռուսական կողմին կոչ է արվում դադարեցնել արյունահեղությունը և «տղաներին ու ամուսիններին ստույգ մահվան չուղարկել»։ Գրառման մեջ նաև նշված է 5300 թիվը, որն, ըստ հաքերային խմբի, 4 օրում Ռուսաստանի մարդկային կորուստների պատկերն է՝ ավելի շատ քան չեչենական պատերազմի ողջ ընթացքում։
Իրականում որքան են ռուսական կողմի կորուստները՝ պաշտոնական թիվ չի հրապարակվում։
Ukrinform-ի տեղեկություններով Anonymous միջազգային հաքերային խումբը կոտրել է նաև ՌԴ կառավարությանը, պետական լրատվամիջոցներին և բանկերին պատկանող բազմաթիվ կայքեր, ինչպես նաև Բելառուսի առաջատար բանկերի, այդ թվում՝ Belorusbank-ի, Priorbark-ի և Belinvestbank-ի կայքերը:
