19.05.2026 | 12:54
«Միասնության թևեր»-ի քարոզարշավը․ ՈՒՂԻՂ
Ուկրաինան պետք է միանա ԵՄ-ին․ Եվրահանձնաժողովի նախագահ
Քաղաքականություն
28.02.2022 | 12:16
Եվրահանձնաժողովի նախագահ Ուրսուլա ֆոն դեր Լեյենը հայտարարել է, որ Ուկրաինան եվրոպական երկիր է, և Եվրամիությունը ցանկանում է նրան տեսնել իր շարքերում։ Այս մասին ԵՀ ղեկավարը խոսել է Euronews-ին տված հարցազրույցում։
«Ուկրաինան մասնակցում է որոշ եվրոպական գործընթացների, օրինակ՝ ԵՄ միասնական շուկային ուկրաինական շուկայի ինտեգրմանը: Մենք շատ սերտ համագործակցում ենք, օրինակ, էներգետիկայի ոլորտում, այլ ոլորտներում: Ժամանակի ընթացքում Ուկրաինան պետք է միանա ԵՄ-ին, այս երկիրը մեզնից մեկն է, և մենք ցանկանում ենք նրան տեսնել եվրոպական ընտանիքում»,- ասել է ֆոն դեր Լեյենը։
Իր հերթին նախագահ Վլադիմիր Զելենսկին լույս երկուշաբթի գիշերը հայտնել է, որ բանակցություններ է վարել Եվրահանձնաժողովի ղեկավարի հետ, որտեղ բարձրացվել է Եվրամիությանը Ուկրաինայի անդամակցության հարցը։
«Ես հեռախոսազրույց եմ ունեցել Ուրսուլա ֆոն դեր Լեյենի հետ, մենք քննարկել ենք կոնկրետ որոշումներ՝ ուժեղացնելու Ուկրաինայի պաշտպանունակությունը, մակրոֆինանսական օգնությունը և Ուկրաինայի անդամակցությունը ԵՄ-ին»,- գրել է Ուկրաինայի ղեկավարը։
Տաթև Ֆռանգյան
