26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Էրդողանը Զելենսկուն հայտնել է, որ ջանքեր է գործադրում Ուկրաինայում հրադադարի հասնելու համար
Քաղաքականություն
26.02.2022 | 18:13
Թուրքիայի և Ուկրաինայի նախագահներ Ռեջեփ Էրդողանը և Վլադիմիր Զելենսկին այսօր՝ փետրվարի 26-ին, հեռախոսազրույց են ունեցել, որի ընթացքում քննարկել են Ուկրաինայում տեղի ունեցած վերջին իրադարձությունները:
«Բանակցությունների ընթացքում քննարկվել են վերջին իրադարձությունները և Ուկրաինայում Ռուսաստանի ռազմական միջամտության հարցերը։
Նախագահ Էրդողանը հայտարարել է, որ ջանքեր է գործադրում, որպեսզի որքան հնարավոր է շուտ հայտարարվի զինադադար, որը կերաշխավորի, որ այլևս զոհեր չլինեն և Ուկրաինան այլևս չտուժի»,- ՏԱՍՍ-ի փոխանցմամբ՝ լրագրողներին հայտնել են Թուրքիայի նախագահի աշխատակազմից:
Թուրքիայի նախագահը չի պարզաբանել, թե ինչ ջանքեր է գործադրում այդ նպատակին հասնելու համար։
Հիշեցնենք, որ ավելի վաղ հեռախոսազրույց էին ունեցել Թուրքիայի և Ռուսաստանի արտաքին գործերի նախարարներ Մևլութ Չավուշօղլուն և Սերգեյ Լավրովը։
Ռուսաստանի նախագահ Վլադիմիր Պուտինը փետրվարի 24-ին հայտարարել է Ուկրաինայում հատուկ ռազմական գործողություն անցկացնելու մասին՝ ի պատասխան Դոնբասի հանրապետությունների ղեկավարների օգնության դիմումի։ Դրան հետևեցին նոր՝ խիստ պատժամիջոցների մասին Արևմուտքի հայտարարությունները։
