29.03.2026 | 14:53
Միջադեպ Սուրբ Աննա եկեղեցում՝ Փաշինյանի դուրս գալու ժամանակ․ ՏԵՍԱՆՅՈւԹ
Չավուշօղլուն Լավրովին կոչ է արել դադարեցնել ռազմական գործողությունները
26.02.2022 | 17:10
Թուրքիայի և Ռուսաստանի արտաքին գործերի նախարարներ Մևլութ Չավուշօղլուն և Սերգեյ Լավրովը այսօր՝ փետրվարի 26-ին, հեռախոսազրույց են ունեցել։ Այս մասին հայտնել է ՏԱՍՍ-ը՝ հղում անելով հանրապետության արտաքին գործերի նախարարությունում իր աղբյուրին։
«Քննարկվել են Ուկրաինայի վերջին զարգացումները։ Նախարար Չավուշօղլուն ասել է, որ ռազմական լարվածության հետագա աճը ոչ մեկին չի օգնի, նա կոչ է արել դադարեցնել ռազմական գործողությունները։ Նախարար Չավուշօղլուն նաև հաստատել է Թուրքիայի պատրաստակամությունը՝ բանակցություններ վարելու Ռուսաստանի Դաշնության և Ուկրաինայի միջև, եթե կողմերը ցանկանան»,- տեղեկացրել են Թուրքիայի ԱԳՆ-ից։
Հիշեցնենք՝ փետրվարի 24-ին ՌԴ նախագահ Վլադիմիր Պուտինը հայտարարեց Դոնբասում հատուկ ռազմական գործողություն սկսելու մասին։ Դրան հետևեցին նոր՝ խիստ պատժամիջոցների մասին Արևմուտքի հայտարարությունները։
