Ինչո՞վ էր կարևոր Ադրբեջանը ՌԴ-ի համար, որ հռչակագիր ստորագրեցին և ի՞նչ սպասել․ Ստյոպա Սաֆարյան․ ՏԵՍԱՆՅՈՒԹ

ՌԴ Զինված ուժերը գտնվում են Ուկրաինայի տարածքում, միջազգային հանրությունն առանց հապաղելու դա որակել է որպես ագրեսիա Ուկրաինայի տարածքային ամբողջականության և ինքնիշխանության դեմ»,- այս մասին այսօր «Ադրբեջան-Ռուսաստան դաշնակցային գործակցությունը ռուս-ուկրաինական դիմակայության խորապատկերին» թեմայով քննարկման ժամանակ նշեց ՄԱՀՀ-ի ղեկավար, քաղաքագետ Ստյոպա Սաֆարյանը՝ հավելելով, որ աշխարհը սեղմում է ՌԴ շուրջ օղակը՝ հայտարարելով տարբեր պատժամիջոցների մասին:

«Այս պատերազմին նախորդող օրերին Ադրբեջանի նախագահի՝ Մոսկվա կատարած պաշտոնական այցի շրջանակներում ստորագրվեց դաշնակցային փոխգործակցության մասին հռչակագիր. հարցեր են ծագում՝ ինչու Ուկրաինայի հետ պատերազմի նախաշեմին կնքվեց այդ հռչակագիրը, ինչո՞վ էր կարևոր Ադրբեջանը ՌԴ-ի համար, որ այս հռչակագիր ստորագրվեց… Ինչո՞վ է պայմանավորված այս հռչակագրի ստորգրումը և այն ի՞նչ հետևանքներ կարող է ունենալ Հայաստանի համար»,- ասաց քաղաքագետը՝ ընդգելով, որ անհրաժեշտ է ռիսկերը գնահատել՝ ինչ սպասել, արդյոք ապակայունացում տեղի կունենա Հայաստանում և ընդհանրապես մեր տարածաշրջանում՝ հաշվի առնելով, որ մեր ռազմավարական դաշնակիցը մեծացրել է իր ռազմավարական գործընկերության մակարդակը Ադրբեջանի հետ:

Սաֆարյանի դիտարկմամբ՝ աշխարհը սպառնում է Ռուսաստանը դարձնել «իզգոյ» պետություն և խորտակել նրա տնտեսությունը, դրա հետևանքները ՀՀ-ի համար ևս կունենան ռիսկեր և խնդիր է առաջանում՝ ինչպես չմնալ փլատակների տակ:

Մանրամասները՝ տեսանյութում: