24.03.2026 | 17:34
Իրանը ստիպում է հայ վարորդներին դատարկ բաքով մտնել և դիզվառելիքը լիցքավորել այնտեղ․ Արմեն Խաչատրյան․ ՏԵՍԱՆՅՈՒԹ
Այն, ինչ տեղի է ունեցել, աշխարհակարգի փլուզում է․ մենք վտանգի տակ ենք․ Ռուբեն Մեհրաբյան. ՏԵՍԱՆՅՈՒԹ
Քաղաքականություն
25.02.2022 | 15:59
«Այն, ինչ տեղի ունեցավ երեկ՝ առավոտյան ժամը հինգից սկսած, աշխարհակարգի փլուզում էր, այն աշխարհակարգի, որ ձևավորվել էր 1945, 1975 և 1991 թվականներին տեղի ուեցած դեպքերի հիման վրա»,- այս մասին այսօր «Ադրբեջան-Ռուսաստան դաշնակցային գործակցությունը ռուս-ուկրաինական դիմակայության խորապատկերին» թեմայով քննարկման ժամանակ ընդգծեց քաղաքագետ, ՄԱՀՀԻ-ի ասոցացված փորձագետ Ռուբեն Մեհրաբյանը:
«Ուկրաինական տարածքում գտնվող երկու բանդիտական կազմավորումները Ռուսաստանը ճանաչեց անկախ պետություններ. հենց այդ օրը կնքվեց այս հռչակագիրը, որի առաջին կետի մասին հանդիսավոր կերպով մեջբերեց Ալիևը:
Այս ամենը բերում է կասկած չպարունակող եզրահանգման, դա այն է, որ Հայաստանն ուղղակի վտանգի տակ է, և սա չափազանչություն չէ: Այս եզրակացությունից պետք է բխեն կոնկրետ քայլեր՝ հիմնված սթափ գնահատականների, մեր հնարավորությունների հաշվարկի վրա:»,- նշեց փորձագետը:
Քաղաքագետի դիտարկմամբ՝ Ռուսաստանի ներխուժմանը հետևեց Արևմուտքի վճռականությունը՝ կապված պատժամիջոցային քաղաքականության հետ, և դա թույլ է տալիս եզրակացնել, որ ՌԴ տնտեսությունը «ռետինով ջնջելու» են՝ ոչնչացնելու են, ինչի հետևանքով նաև Հայաստանի տնտեսությանն են սպառնում լրջագույն մարտահրավերներ:
Մանրամասները՝ տեսանյութում:
