18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Լավրովը նշել է Զելենսկու հետ բանակցությունների պայմանը
Քաղաքականություն
25.02.2022 | 17:01
Ռուսաստանի արտգործնախարար Սերգեյ Լավրովը նշել է, թե ինչ պայմանով Պուտինը կհամաձայնի բանակցություններ վարել Ուկրաինայի նախագահ Վլադիմիր Զելենսկու հետ։ Շփումը հնարավոր է, եթե Ուկրաինայի զինված ուժերը վայր դնեն զենքերը, գրում Գազետան։
«Մենք պատրաստ ենք բանակցությունների ցանկացած պահի, հենց որ Ուկրաինայի զինված ուժերը արձագանքեն մեր նախագահի կոչին, դադարեցնեն դիմադրությունը, վայր դնեն զենքերը», – ասել է ԱԳՆ ղեկավարը։
Նա նշել է, որ Մոսկվան միջոցներ չի ձեռնարկի Ուկրաինայի զինված ուժերի այն զինվորականների դեմ, որոնք կդադարեցնեն դիմադրությունը։
Այդ մասին նա հայտարարել է փետրվարի 25-ին Դոնեցկի ու Լուգանսկի ինքնահռչակ հանրապետությունների «արտաքին գործերի նախարարությունների» ներկայացուցիչների հետ ճեպազրույցի ժամանակ։
Բացի այդ, Լավրովը վստահեցրել է, թե «ոչ ոք մտադիր չէ օկուպացնել Ուկրաինան»։
Տաթև Ֆռանգյան
