09.02.2026 | 20:45
Շնորհակալություն եմ հայտնել Վենսին իր անձնական ներդրման համար․ Փաշինյան. ՏԵՍԱՆՅՈՒԹ
Բլինքենն ու Չավուշօղլուն քննարկել են Ուկրաինայի շուրջ իրավիճակը
Քաղաքականություն
25.02.2022 | 15:48
Անկարան կշարունակի աջակցել Ուկրաինայի տարածքային ամբողջականությանը, ինքնիշխանությանն ու քաղաքական միասնությանը։ Այս մասին հայտարարել է Թուրքիայի ԱԳ նախարար Մևլութ Չավուշօղլուն ԱՄՆ պետքարտուղար Էնթոնի Բլինքենի հետ հեռախոսազրույցում, գրում է «Անադոլու» գործակալությունը՝ վկայակոչելով Թուրքիայի ԱԳՆ մամուլի ծառայությանը։
Չավուշօղլուն հաստատել է, որ Թուրքիան մերժում է Ուկրաինայում Ռուսաստանի ռազմական գործողությունը, որը համարում է միջազգային իրավունքի լուրջ խախտում։
Տարածված հաղորդագրության համաձայն՝ Չավուշօղլուն ու Բլինքենը նաև կարծիքներ են փոխանակել ՄԱԿ-ի, ՆԱՏՕ-ի, Եվրախորհրդի և ԵԱՀԿ-ի կիրառած քայլերի շուրջ՝ կապված Ուկրաինայում վերջին իրադարձությունների հետ։
Էմմա Չոբանյան
