Քաղաքականություն
25.02.2022 | 18:14
Մեծ Բրիտանիայի պաշտպանության նախարար Բեն Ուոլեսը հայտարարել է, որ Լոնդոնը կողմ է Ռուսաստանին SWIFT միջազգային բանկային վճարային համակարգից անջատելուն, սակայն որոշ երկրներ դեմ են նման պատժամիջոցներին Ուկրաինայի դեմ ռազմական արշավ սկսելու համար։
«Մենք կցանկանայինք ավելի հեռուն գնալ, մենք կցանկանայինք անդրադառնալ SWIFT համակարգին, որը թույլ է տալիս ռուսական բանկերին վճարումներ կատարել ամբողջ աշխարհում և գումար ստանալ գազի դիմաց»,- ասել է նախարարը BBC-i եթերում:
«Բայց դուք հասկանում եք, որ ինչպես շատ այլ դեպքերում` խոսքը միջազգային կազմակերպությունների մասին է, և եթե ոչ բոլոր երկրներն են ցանկանում նրանց հանել SWIFT համակարգից, ապա դա դժվար է անել»,- նշել է բրիտանացի պաշտոնյան։
Տաթև Ֆռանգյան
