16.09.2026 | 21:15
Վթար Չարենցավան-Հրազդան ավտոճանապարհին. նախնական տվյալներով՝ կան չորս զոհ, մեկ տուժած
Ամերիկյան ուժերն Ուկրաինայում Ռուսաստանի հետ հակամարտության մեջ չեն ներքաշվի․ Բայդեն
Քաղաքականություն
25.02.2022 | 00:03
Այսօր Սպիտակ տանն ունեցած ելույթի ժամանակ ԱՄՆ-ի նախագահ Ջո Բայդենը հայտնեց, որ թույլատրել է ցամաքային և օդային ուժեր տեղակայել Եվրոպայում, մասնավորապես՝ Էստոնիայում, Լատվիայում, Լիտվայում, Լեհաստանում և Ռումինիայում: Նա նաև ասաց, որ թույլատրել է ԱՄՆ-ի լրացուցիչ ուժային հնարավորություններ ուղարկել Գերմանիա՝ որպես ՆԱՏՕ-ի գործողությունների մաս:
«Այդ ուժերը բաղկացած կլինեն զրահապատ բրիգադի մարտական թիմից՝ համապատասխան հնարավորություններով: Նրանք կտեղակայվեն Գերմանիայում՝ հանգստացնելու համար ՆԱՏՕ-ի դաշնակիցներին, զսպելու ռուսական ագրեսիան, և պատրաստ կլինեն աջակցելու տարածաշրջանում մի շարք պահանջների բավարարմանը: Մենք ակնկալում ենք, որ նրանք կմեկնեն առաջիկա օրերին»,- ասաց Բայդենը։
Վերջինս իր ելույթում ևս մեկ անգամ հաստատեց, որ ամերիկյան ուժերն Ուկրաինայում Ռուսաստանի հետ հակամարտության մեջ չեն ներքաշվի։
«Մեր ուժերը Եվրոպա չեն գնում Ուկրաինայում կռվելու, այլ ՆԱՏՕ-ի մեր դաշնակիցներին պաշտպանելու և արևելքում այդ դաշնակիցներին հանգստացնելու համար»,- եզրափակել է նա։
Հավելենք, որ Բայդենի ելույթից անմիջապես հետո ԱՄՆ-ի պաշտպանության նախարարը հայտնեց, որ հրամայել է 7000 ամերիկացի զինծառայողների տեղակայել Եվրոպայում։
