16.09.2026 | 21:15
Վթար Չարենցավան-Հրազդան ավտոճանապարհին. նախնական տվյալներով՝ կան չորս զոհ, մեկ տուժած
Պուտինը հեռախոսազրույցներ է ունեցել Իրանի նախագահի և Հնդկաստանի վարչապետի հետ
Քաղաքականություն
24.02.2022 | 23:09
ՌԴ նախագահ Վլադիմիր Պուտինն իրանական կողմի նախաձեռնությամբ հեռախոսազրույց է ունեցել Իրանի նախագահ Սեյյեդ Էբրահիմ Ռաիսիի հետ: Այս մասին տեղեկանում ենք Կրեմլի պաշտոնական կայքից։
Նշվում է, որ Վլադիմիր Պուտինը տեղեկացրել է Ուկրաինայի շուրջ իրավիճակի զարգացումների մասին, նաև մանրամասներ հայտնել Դոնբասում հատուկ ռազմական գործողությունների վերաբերյալ, որը, ըստ ՌԴ նախագահի, արվում է Դոնեցկի և Լուգանկսի հետ կնքված բարեկամության և փոխօգնության պայմանագրերով ստանձնած պարտավորություններին համապատասխան:
Իր հերթին Իրանի նախագահն ըմբռնում է հայտնել ԱՄՆ-ի և ՆԱՏՕ-ի ապակայունացնող գործողությունների պատճառով Ռուսաստանի՝ անվտանգության մտահոգությունների վերաբերյալ։
Վլադիմիր Պուտինը հեռախոսազրույց է ունեցել նաև Հնդկաստանի Հանրապետության վարչապետ Նարենդրա Մոդիի հետ։ Նշվում է, որ Պուտինն ասել է, որ որոշվել է սկսել հատուկ ռազմական գործողություն Ուկրաինայի տարածքում ԱՄՆ-ի և ՆԱՏՕ-ի՝ Ռուսաստանի համար անընդունելի ռազմական զարգացման հետ կապված։
