Մեզ համար խաղաղությունը հիմնված է ժողովրդավարական արժեքների վրա, իսկ Պուտինի համար «խաղաղություն» բառը նշանակում է՝ «ագրեսիա»․ ուկրաինացի քաղաքագետ

Լուրեր

18.11.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
18.11.2026 | 23:16
Աբրահամ Խաշմանյանը վերադարձել է մարզչական աշխատանքի
18.11.2026 | 23:03
Ադրբեջանի իշխանությունները պետք է անհապաղ և անվերապահորեն ազատ արձակեն խոսքի ազատության իրավունքն իրացնելու համար բանտարկվածներին․ Amnesty International
18.11.2026 | 22:51
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը
18.11.2026 | 22:35
Հայ մարմնամարզիկները ոսկե ու արծաթե մեդալներ են նվաճել միջազգային մրցաշարում
18.11.2026 | 22:21
ՌԴ-ն Լեհաստանի տարածքում դիվերսիա էր ծրագրել՝ պատասխանատվությունը Կիևի վրա բարդելու համար․ Rzeczpospolita
18.11.2026 | 22:08
Եկեք գնանք ժողովրդին հարցնենք, մնացածն ի՞նչ կապիկություն է․ Միրզոյանը՝ Դավթյանին. ՏԵՍԱՆՅՈՒԹ
18.11.2026 | 21:55
Աստղագիտության միջազգային բաց օլիմպիադայում ՀՀ թիմն արժանացել է 6 մեդալի
18.11.2026 | 21:44
Պայմանագրային զինծառայող է մահացել
18.11.2026 | 21:35
Իսրայելի խորհրդարանը նոր խոսնակ ունի․ նրան աջակցում են Նեթանյահուի հակառակորդները
18.11.2026 | 21:24
Կոտայքի մարզում վթարային ջրանջատում կլինի
18.11.2026 | 21:13
GTA VI-ը պաշտոնապես թողարկվել է
18.11.2026 | 21:00
Փաշինյանը ԵՄ-ին անդամակցելուց խոսեց՝ բարձրացնելով Պուտինի հետ սակարկության գինը․ Նարինե Մկրտչյան․ ՏԵՍԱՆՅՈՒԹ
18.11.2026 | 20:50
ՀՀ-ն 250 մլն եվրոյի նոր վարկ է վերցնում
18.11.2026 | 20:40
Էդուարդ Բաբայանը՝ «Գործարար»-ի ցուցակով․ ով ում հետ է բացառում կոալիցիան Աբովյանում
Բոլորը

Ուկրաինայում իրավիճակը հիմա ամբողջությամբ անկայուն է, կրակոցներ են հնչում օդում, իսկ դա նշանակում է, որ երկու կողմերի օդուժն է կռվում միմյանց դեմ։ Factor.am-ի հետ զրույցում Կիևից հայտնեց ուկրաիացի քաղաքագետ Վիկտորիա Վդովիչենկոն։

«Նման իրավիճակ լինելու մասին ահազանգ կար արդեն 8 տարի։ Կարծում եմ՝ արևմտյան ժողովրդավարական երկրներն այս ուղերձը մինչև այս պահը չէին ընկալել։ Չեմ կարող ասել անգամ, թե հետո արձագանքն ինչպիսին կլինի, որովհետև դիրքորոշումների համադրությունը, որ կար, թվում էր, թե խնդիրը պետք է լուծեր երեկ, և ոչ թե թողներ վաղվան»,- նշեց նա։

Վիկտորիա Վդովիչենկոյի խոսքով՝ Պուտինին կանգնեցնելու համար ավելի լավ է նրա հետ խոսել․ «Ժողովրդավարական աշխարհը պետք է կանգնեցնի այն, ինչ անում է Պուտինն ուկրաինացի ժողովրդի հետ»։

Ըստ քաղաքագետի՝ Արևմուտքը Պուտինի և Ռուսաստանի նկատմամբ ոչ միայն պետք է խիստ պատժամիջոցներ սահմանի, այլ նաև նրան ամողջությամբ մեկուսացման դատապարտի, որը ոչ միայն քաղաքական, այլև շատ լուրջ տնտեսական հետևանքներ կունենա Մոսկվայի համար։

«Ես կարծում եմ՝ Պուտինի ցանկությունն այս պահին մեզ ուժով խաղաղություն պարտադրելն է, բայց մենք «խաղաղություն» բառը տարբեր կերպ ենք հասկանում։ Մեզ համար խաղաղությունը հիմնված է ժողովրդավարական արժեքների վրա, իսկ Պուտինի համար «խաղաղություն»՝ նշանակում է «ագրեսիա»։ Պուտինի համար խաղաղությունն Ուկրաինայում ռեժիմի փոփոխությունն է»,- նշեց նա։

Վդովիչենկոն, միաժամանակ, հավելեց, որ իր ասածները ենթադրություններ չեն, այլ իրական վերլուծություններ։

«Ես իսկապես հույս ունեմ, որ Ձեր երկրի ղեկավարությունն էլ վերջապես կհասկանա, որ եթե կողմ եք ժողովրդավարական սկզբունքներին և արժեքներին, ապա պետք է միավորվեք Ուկրաինայի շուրջ»,- նշեց քաղաքագետը։

Հարցին՝ որքա՞ն հեռու կգնա Կրեմլն իր քայլերում, ուկրաինացի քաղաքագետը պատասխանեց՝ ռուսական զորքն արդեն հասել է մայրաքաղաք Կիև, ինչը լուրջ ահազանգ է։

«Հաջորդը՝ Պուտինը ցանկանալու է փոխել երկրում ռեժիմը։ Նա ուժի միջոցով է փորձելու խաղաղություն պարտադրել ուկրաինական իշխանություններին։ Սպասվող վտանգների մասին պետք է հարցնել հենց Պուտինին։ Որովհետև ես չեմ կարծում, որ ռուս ժողովրդի համար լավագույն քայլը հարևանի հետ պատերազմելն է։ Դրա համար ես նորից ցանկանում եմ ասել, որ մենք իսկապես պայքարում ենք ժողովրդավարական արժեքների և սկզբունքների համար։ Չգիտենք, թե ինչ կարժենա դա մեզ համար։ Մեր, մեր զինված ուժերի կյանքի գնով է լինելու դա։ Մենք վստահ ենք, որ այս իրավիճակում պետք է լինենք տոկուն և միասնական»,- եզրափակեց ուկրաինացի քաղաքագետը:

Հռիփսիմե Հովհաննիսյան