14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
Ես Սերժ Սարգսյանին վարչապետ դառնալու համոզողների մեջ չկամ. Կարեն Կարապետյանը՝ Նիկոլ Փաշինյանին
Քաղաքականություն
21.06.2017 | 12:01
Խորհրդարանում շարունակվում է 2017-22 թթ. Կառավարության ծրագրի քննարկումը, վարչապետ Կարեն Կարապետյանի՝ ծրագիրը ներկայացնելուց հետո պատգամավորները հարցադրմամբ հանդես եկան։
«Եք» խմբակցության ղեկավար Նիկոլ Փաշինյանը շարունակեց գործընկերոջ՝ Էդմոն Մարուքյանի հարցադրումը՝ խնդրելով հստակեցնել, թե 2018-ից հետո Կարեն Կարապետյանը լինելու է վարչապետ, թե՝ ոչ։
Փաշինյանը ընթերցեց Սերժ Սարգսյանի՝ տարիներ առաջ հնչեցված խոսքերը, որ չի առաջադրվելու նախագահի պաշտոնում, չի հավակնելու նաև վարչապետի պաշտոնին: «Այնպիսի տպավորություն է, որ էլ չեք լինելու վարչապետ, խորհրդարանական մեծամասնության ներկայացուցիչներն էլ արդեն, կարծես թե, սկսում են «համոզել» Սերժ Սարգսյանին, որ նա փոխի իր մտադրությունն ու առաջադրվի, Դուք այդ «համոզողների» թվո՞ւմ եք, թե՞ ոչ։ Արդյոք 2018-ից հետո կհամաձայնե՞ք լինել փոխվարչապետ կամ տարածքային կառավարման փոխնախարար»,- հարցրեց Փաշինյանը։
Պատգամավորը նաև հավելեց, թե վարչապետը չի հստակեցնում ինքն է լինելու վարչապետ, թե ոչ՝ պատասխանելով, որ այդ հարցին բազմիցս պատասխանել է։
«Ելքի» կողմից սպասելի այո կամ ոչ պատասխանն այդպես էլ չհնչեց վարչապետի շուրթերից: «Ես պատրաստ եմ լինել վարչապետ»,- հայտարարեց Կարեն Կարապետյանը, ապա անդրադառնալով Սերժ Սարգսյանին «համոզողներին», Կարապետյանն անկեղծացավ․ «Ես չգիտեմ՝ համոզողներ կա՞ն, թե՞ ոչ, ես համոզողների մեջ չկամ»։
Սեդա Ղուկասյան
