29.07.2026 | 10:44
Պատգամավորի թեկնածու Արա Նախշքարյանը ձերբակալվել է ընտրակաշառքին առնչվող գործի շրջանակներում
Կիևը հայտարարել է, որ Մարիուպոլն ամբողջությամբ ուկրաինական վերահսկողության տակ է
Քաղաքականություն
24.02.2022 | 14:59
ՌԴ Պաշտպանության նախարարության՝ ուկրաինացի զինվորականների պաշտպանության ճեղքման և երկրի խորքերն առաջխաղացման մասին հայտարարություններից հետո, Ուկրաինայի Զինված ուժերի գլխավոր հրամանատար Վալերի Զալուժնին ներկայացրել է ճակատում իրավիճակը, հաղորդում է BBC-ի ռուսական ծառայությունը։
«Ուկրաինայի պաշտպանության ուժերը զսպում են ագրեսորի հարձակումը։ Հակառակորդը կանգնեցվել է Չեռնիգովչինայում։ Խարկովի ուղղությամբ և միացյալ ուժերի օպերացիայի տարածքում ծանր մարտեր են ընթանում։ Մեր զորքերի ուժերը լիարժեք վերահսկողության տակ են վերցրել Մարիուպոլ և Շչաստիե քաղաքները։ Խերսոնի ուղղությամբ իրավիճակը բարդ է, այնուամենայնիվ, Ուկրաինայի պաշտպանական ուժերը հակահարված են տալիս»,- ասել է Զալուժնին։
Բացի այդ, Ուկրաինայի ԶՈՒ-ն պնդում է, որ Շչաստիե քաղաքի մոտակայքում մոտ 50 ռուս զինվոր է մահացել։ ՌԴ ՊՆ-ն, սակայն, չի հաստատել այս տեղեկությունը։
Էմմա Չոբանյան
