16.09.2026 | 23:05
Բաքուն ՀՀ-ի հետ կապերի մեջ մեղադրվող բանտարկված թալիշ ակտիվիստին 3 տարով կտեղափոխի խիստ ռեժիմի բանտ
ՆԱՏՕ-ն դատապարտել է Ռուսաստանի «անխոհեմ և անհիմն հարձակումը» Ուկրաինայի վրա
Քաղաքականություն
24.02.2022 | 12:33
ՆԱՏՕ-ի գլխավոր քարտուղար Յենս Ստոլտենբերգը դատապարտել է Ռուսաստանի հարձակումն Ուկրաինայի վրա՝ զգուշացնելով, որ դա վտանգի տակ է դնում անհամար կյանքեր, գրում է alarabiya-ին՝վկայակոչելով AFP-ին։
30 երկրներից բաղկացած դաշինքի դեսպանները պետք է շտապ հանդիպում անցկացնեն՝ քննարկելու ռուսական հարձակումը, որից հետո Ստոլտենբերգի մամուլի ասուլիսն է սպասվում։
«Ես խստորեն դատապարտում եմ Ռուսաստանի անխոհեմ և անհիմն հարձակումը Ուկրաինայի վրա, որը վտանգի է ենթարկում բազմաթիվ քաղաքացիական անձանց կյանքեր։ Եվս մեկ անգամ, չնայած մեր բազմաթիվ զգուշացումներին և դիվանագիտության մեջ ներգրավվելու անխոնջ ջանքերին, Ռուսաստանը ընտրել է ինքնիշխան և անկախ երկրի դեմ ագրեսիայի ուղին»,- ասվում է Ստոլտենբերգի հայտարարության մեջ։
Նա նշել է, որ դա «միջազգային իրավունքի կոպիտ խախտում է և լուրջ վտանգ է եվրատլանտյան անվտանգության համար»։
Ստոլտենբերգը կոչ է արել Ռուսաստանին անհապաղ դադարեցնել իր ռազմական գործողությունները և հարգել Ուկրաինայի ինքնիշխանությունն ու տարածքային ամբողջականությունը։
«Մենք կանգնած ենք Ուկրաինայի ժողովրդի կողքին այս սարսափելի պահին։ ՆԱՏՕ-ն կանի ամեն ինչ՝պաշտպանելու իր բոլոր դաշնակիցներին»,-ասել է Ստոլտենբերգը։
Էմմա Չոբանյան
