26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Ռուսաստանը խոստանում է կոշտ պատասխան տալ ԱՄՆ պատժամիջոցներին
Քաղաքականություն
23.02.2022 | 19:37
Ռուսաստանը խոստանում է կոշտ պատասխան տալ ԱՄՆ պատժամիջոցներին, որոնք սահմանվել են Մոսկվայի կողմից ինքնահռչակ Դոնեցկի և Լուգանսկի հանրապետությունները ճանաչելու պատճառով։ Այս մասին ասված է ՌԴ ԱԳՆ հայտարարության մեջ։
«Կասկած չպետք է լինի՝ պատժամիջոցներին կտրվի խիստ պատասխան։ Պարտադիր չէ, որ սիմետրիկ, բայց ստուգված և զգայուն ամերիկյան կողմի համար»,- ասվում է հաղորդագրությունում։
ՌԴ ԱԳՆ-ն պնդում է, որ ԱՄՆ պատժամիջոցների քաղաքականության բոլոր փորձերն ապարդյուն են։
Հիշեցնենք, որ ԵՄ-ն ու ԱՄՆ-ն սկսել են պատժամիջոցներ կիրառել Ռուսաստանի դեմ՝ Լուգանսկի ու Դոնեցկի ինքնահռչակ հանրապետությունների ճանաչման համար։
ԱՄՆ նախագահ Ջո Բայդենը հրամանագիր է ստորագրել Լուգանսկի և Դոնեցկի դեմ պատժամիջոցներ սահմանելու մասին՝ կապված Ռուսաստանի կողմից ինքնահռչակ հանրապետությունների ճանաչման հետ։
Տաթև Ֆռանգյան
