19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Հռոմի Պապը խաղաղության կոչ է արել Արևելյան Ուկրաինայում ճգնաժամի մեղավորներին
Քաղաքականություն
23.02.2022 | 17:48
Հռոմի պապ Ֆրանցիսկոսը խաղաղության կոչ է արել բոլոր նրանց, ովքեր պատասխանատու են Ուկրաինայի արևելքում հակամարտության սրման համար։ Փետրվարի 23-ին Վատիկանում ընդհանուր քարոզի ժամանակ Սրբազան Հովվապետը խոսել է «իր սրտում մեծ ցավի մասին՝ կապված Ուկրաինայում իրավիճակի վատթարացման հետ», գրում է DW-ի ռուսական ծառայությունը։
«Չնայած վերջին շաբաթների ընթացքում բոլոր դիվանագիտական ջանքերին` ավելի ու ավելի մտահոգիչ սցենարներ են բացվում»,- ասել է նա:
Հռոմի կաթոլիկ եկեղեցու 85-ամյա առաջնորդի խոսքով՝ աշխարհում իր նման շատերն են վախ ու անհանգստություն զգում՝ կապված Ռուսաստանի և Ուկրաինայի միջև հակամարտության սրման հետ։
«Կոչ եմ անում բոլոր ներգրավված կողմերին՝ զերծ մնալ ցանկացած գործողությունից, որը կհանգեցնի բնակչության ավելի մեծ տառապանքի»,- ասել է նա։
Տաթև Ֆռանգյան
