26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Կանադայից Ուկրաինա է ժամանել ռազմական օգնությամբ երկրորդ ինքնաթիռը
Քաղաքականություն
23.02.2022 | 12:59
Կանադայից Ուկրաինա է ժամանել ռազմական աջակցությամբ երկրորդ ինքնաթիռը։ Այս մասին հայտարարել է Կանադայի պաշտպանության նախարար Անիտա Անանդը։
«Կանադայի զինված ուժերն իրականացրել են մահաբեր ռազմական օգնության երկրորդ մատակարարումը՝ ուկրաինացի գործընկերներին աջակցելու համար»,- ասել է նա։
Անանդի խոսքով՝ «Ռուսաստանի հետագա ներխուժումն ինքնիշխան պետություն անընդունելի է»։ Նախարարը վստահեցրել է Կանադայի կողմից Ուկրաինային հետագա աջակցությունը։
Հիշեցնենք՝ փետրվարի 19-ին Կանադայից ռազմական աջակցության առաջին խմբաքանակն էր ժամանել Ուկրաինա՝ հրացաններ, օպտիկական նշանոցներով գնդացիրներ, գիշերային տեսողության և հսկման սարքեր, այլ ռազմական տեխնիկա։ Հաղորդվել է նաև, որ Կանադան պատժամիջոցներ է հայտարարել Ռուսաստանի Դաշնության դեմ։
Տաթև Ֆռանգյան
